Саудия Арабистони Қатар 2022 Жаҳон чемпионати чипта эгалари учун бепул Умра визасини беради
Қатарда бўлиб ўтадиган ЖЧ-2022 олдидан Саудия Арабистони тўрт йиллик мусобақада иштирок этиш бўйича муҳим янгиликни эълон қилди.
Саудия Арабистони ҳукумати мусобақа давомида мусулмонларни жаҳон чемпионати чипталари эгалари томонидан визасиз Умра зиёратига боришларига рухсат беради.
Middle East Eye хабарига кўра, Ҳайя карталарига эга бўлганлар умра қилиш учун пул тўлашлари шарт эмас, чунки улар Саудия ҳукумати томонидан автоматик равишда бепул визага эга бўлишади.
Ҳайя картаси Қатар ҳукумати томонидан 2022 йилги жаҳон чемпионати учун хорижлик томошабинларга бериладиган ҳужжатдир.
Рақамли карта Қатарда бўлиб ўтадиган жаҳон чемпионатига ташриф буюрувчилар учун бирда-бир йўлланма бўлиб хизмат қилади ва шу билан бирга зиёратчилар Яқин Шарқ мамлакатига сафар қилишлари ҳам мумкин.
Қатар ҳукумати ташриф буюрувчиларга қулайлик яратиш мақсадида ушбу картага эга бўлишни хоҳловчилар учун бир қатор имкониятларни белгилаб беради.
Қатар маҳаллий ОАВларининг хабар беришича, ташриф буюрувчилар 2022 йилги жаҳон чемпионатига фақат битта чипта сотиб олсалар ҳам имтиёзга эга бўлишади.
Ҳайя картаси Қатар-2022 Жаҳон чемпионати томошабинлари учун бир қатор афзалликларни тақдим этади. Шунингдек, Муслим Cард эгалари Саудия Арабистони ҳукумати томонидан бепул Умра визасига эга бўладилар.
Саудия Арабистонидан ташқари, Бирлашган Араб Амирликлари (БАА) ҳам Жаҳон чемпионати ўйинларига чиптаси бор одамларга икки марталик визалар тақдим этади. Икки марталик визани атиги 100 дирҳамга олиш мумкин.
Манба: theislamicinformation.com
Хуршид Маъруф тайёрлади
© islom.uz 2003-2024.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
