Муфтий Нуриддин домла Ҳолиқназаров Қоҳира шаҳридаги анжуманда фатво бериш тўғрисида нутқ қилиб бердилар
Жорий йилнинг 17 октябрь куни Қоҳира шаҳрида бўлиб ўтаётган анжуманда Ўзбекистон мусулмонлари идораси раиси, муфтий Нуриддин домла Ҳолиқназаров «Фатво беришнинг масъулияти, унинг мўмин-мусулмонлар ҳаётида тутган ўрни ва бу борадаги айрим муаммоли масалалар» ҳақида маъруза қилиб бердилар. Бу ҳақда Ўзбекистон мусулмонлари идораси матбуот хизмати хабар берди.
Шу билан бир қаторда мавзу доирасида долзарб таклифларни анжуман иштирокчиларига тақдим этдилар.
Муфтий ҳозирги даврда жамоавий ижтиҳодга катта аҳамият бериш, фатво бериш масъулиятини янада ошириш ҳамда етарли илм ва далилларга эга бўлмай туриб фатво беришдан сақланиш каби масалаларни алоҳида урғуладилар. Шунингдек, илмсиз фатво беришнинг олдини олиш, адашган тоифаларга қарши курашишда ҳамкорликни йўлга қўйиш ва Бутунжаҳон фатво ҳайъати ҳузурида замонавий фатволарни ўрганиб, хулоса берадиган кенгаш тузиш каби муҳим таклифларни илгари сурдилар.
Ўз навбатида, Ўзбекистон мусулмонлари идораси ҳузурида Фатво маркази фаолият олиб бораётгани ҳамда мазкур йўналишда фаол ва амалий ҳамкорлик қилиш муҳим эканини муфтий ҳазратлари маълум қилдилар.
Нутқда баён қилинган муҳим масалалар ва амалий таклифлар Миср Араб Республикаси муфтийси, профессор Шавқий Иброҳим Аллом, уламолар, давлат ва дин арбоблари томонидан юқори баҳоланди.
© islom.uz 2003-2024.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
