“Пешинни қаерда ўқиймиз, Асрни, Шомни, Хуфтонничи?”
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Намозда интизомли бўлиш, қолдирмай ўз вақтида мунтазам адо этиб бориш Аллоҳ таолонинг улкан неъматларидан биридир.
Бугунги кунда фарз намозларни масжидда жамоат билан адо этиш Аллоҳ таолонинг катта икромидир.
Биз ишларимизни, учрашув ва сафаримизни Намозимизнинг вақтидан келиб чиқиб белгилашимиз лозим.
Масалан, сафарга машинада чиқяпмиз. “Пешинни қаерда ўқиймиз, Асрни, Шомни, Хуфтонничи?” деган саволни берсак, тўғри йўл тутган бўламиз.
Машинага ўтиришдан олдин ҳайдовчи билан шу масалани гаплашиб олишимиз керак. Шошиб турган, Намозга тўхтамайдиган ҳайдовчининг машинасига ўтирмаслигимиз лозим.
Ким биландир учрашмоқчи бўлганимизда ҳам суҳбат чўзиладиган бўлса, Намозни қаерда ўқиш масаласини ўйлашимиз керак.
Хуллас, овқатсиз, сувсиз яшай олмаганимиз каби Намозсиз ҳам яшай олмаслигимиз лозим.
Ахир мусулмон киши учун Намози қадрли бўлмаса, унда нима қадрли?!
Ё Аллоҳ, Намозни кўзларимиз қувончи, қалбларимиз сурури, ҳаётимизнинг мазмун-моҳиятига айлантириб қўйгин!
Ё Аллоҳ, Намозни хушуъ-хузуъ ва қалб сокинлиги билан масжидларда жамоат ила адо этишимизни насиб этгин!
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
