Шайх Муқрий Маҳмуд Фатҳий Али Мусо
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Шайх Муқрий Маҳмуд Фатҳий Али Мусо 1982 йилда таваллуд топган. Ёшлигиданоқ Азҳари Шариф жомеасига боғланган. Бошланғич таълимни Азҳарда давом эттириб, шу ерда Қуръони Каримни тўлиқ ёд олган.
Кейинчалик Азҳари Шарифни шариат ва қонун факультетини тамомлаган.
Олий қироат босқичларини ҳам Азҳари шарифда эгаллаган. Қироат илмларини Мисрнинг кибор қориларидан бири шайх Абдураҳмон Муҳаммад Кассаб раҳимаҳуллоҳ қўлида ўрганган.
У зот Азҳари шарифдаги Мусҳафи шарифни тадқиқ қилиш ҳайъати аъзоси ҳисобланади.
Бундан ташқари, бошқа Мисрнинг машҳур етук қориларидан ҳам таҳсил олган.
Айни дамда шайх Маҳмуд ўнта қироат бўйича мударрис. Миср Араб Республикаси Қуръони Карим қори ва ҳофизлари нақобати аъзоси.
2008 йилдан бери Миср вақф ишлари вазирлиги тасарруфида имом-хатиб ва воизлардан бири бўлиб, фаолият юритиб келмоқда.
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
