Нидога жавоб беринг!
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
- Эр: Асрни ўқидингми?
- Аёл: Йўқ?
- Эр: Нега?
- Аёл: Ишдан келиб толиққан эдим, бироз ухлаб олдим.
- Эр: Яхши. Унда тургинда, аср ва шомни хуфтонга азон айтилмасдан аввал ўқиб ол.
Эртаси куни эр иши бўйича хизмат сафарига, командировкага отланди. Лекин орадан бир неча соат ўтган бўлса-да, манзилга етиб боргани, соғ-саломат экани ҳақида хабар бермади. Аслида, бу сафарга чиққан вақтларидаги одати эди. Аёл уни саломат етганини умид қилган ҳолда унга телефон қиларди. У томондан эса жавоб бўлмасди...
Қайта-қайта телефон қўнғироқ қилиб тинмасди. Жавоб йўқ... Изтироб аёлнинг қалбини кемира бошлади. Бир неча соат ўтиб, ниҳоят телефон жиринглади.
- Аёл: Яхши етиб олдингизми?, шоша-пиша сўрай бошлади.
- Эр: Алҳамдулиллаҳ, яхши етиб келдим.
- Аёл: Қачон етиб олдингиз?
- Эр: Тўрт соатча бўлди.
- Аёл жаҳл билан: Тўрт соат бўлди?! Нима учун менга қўнғироқ қилиб қўймадингиз?
- Эр: Етиб келиб, бироз толиққан эканман. Ётиб ухладим, дам олдим.
- Аёл: Менга қўнғироқ қилиб қўйишга икки дақиқа вақт топилмадими, шунга ҳам куч тополмадингизми? Мендан келаётган телефон қўнғироқларини эшитдингизми?
- Эр: Ҳа, эшитдим.
- Аёл: Унда нега жавоб қилмадингиз? Мени ўйламадингизми, риоямни қилмадингизми?
- Эр: Тўғри айтасан. Лекин сен ҳам кеча азонни эшитган вақтинг унга эътибор қилмадингку... Аллоҳнинг нидоси, чақириғига жавоб қилмадингку...
- Аёл анча вақт жим қолиб кетди ва ниҳоят кўзларида ёш билан: Тўғри... Сиз ҳақсиз... Мен жуда афсусдаман... Кечиринг...
- Эр: Мендан нега узр сўрайсан? Сен бу учун Аллоҳдан мағфират сўра ва бошқа бундай қилма.
Агар Аллоҳ таоло бизни жаннат қасрларида жамлашини истасак, мана шу лаҳзадан ҳаётимизни яхшилашга бошлашимиз, фарзларни кечиктирмай, ўз вақтида адо этмоққа киришмоғимиз лозим.
Хулоса.
Сени ҳақиқатан яхши кўрадиган киши шундай бўлади. Аввал олдингда Аллоҳ сари элтувчи йўлни пайдо қилади, унга йўллайди. Сўнгра йўлингда туриб, ортга қайтишинг мумкин бўлган хато йўлдан эҳтиётлаб туради, асло унга бурилишингга қўймайди.
Бобур Аҳмад таржимаси.
14.08.2022.
© islom.uz 2003-2024.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
