1446 йил 9 зулқаъда | 2025 йил 06 май, сешанба
Минтақа:
Тошкент
ЎЗ UZ RU EN
Силаи раҳм

Набий алайҳиссаломнинг сифатлари

16:00 / 15.03.2023 2788 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Абу Ҳурайрадан ривоят қилинади:

«У киши гоҳида Набий соллаллоҳу алайҳи васалламдан ҳадис айтганида:

«Буни менга киприклари узун, ёнбошлари оппоқ, юзлансалар, бутун гавдалари билан юзланадиган, бурилиб қарасалар, бутун гавдалари билан бурилиб қарайдиган, кўзлар ўхшашини кўрмаган ва кўрмайдиган зот айтдилар», дер эди».

Бу ҳадиси шарифда Расулуллоҳ соллаллоҳу алайҳи васалламнинг бир неча сифатлари баён қилинган:

1. Набий соллаллоҳу алайҳи васалламнинг киприклари узун экани.

2. Набий соллаллоҳу алайҳи васалламнинг ёнбошлари оппоқ экани.

3. Набий соллаллоҳу алайҳи васаллам йўлда юрганларида қоматларини тик ва тўғри тутиб, кишига бутун гавдалари билан юзланишлари.

4. Набий соллаллоҳу алайҳи васаллам бировга қараганларида бутун гавдалари билан тўлиқ бурилиб қарашлари.

Набий соллаллоҳу алайҳи васалламнинг умматлари бўлмиш сиз билан биз ҳам йўлда юришнинг бу одобига риоя қилишимиз лозим.

«Одоблар хазинаси» китоби асосида тайёрланди

 

Манба
islom.uz
Мавзуга оид мақолалар
. Абу Қазъа бир одамдан ривоят қилади .Йўлда бир ерга тушдик ва кечаси эшакнинг ҳанграшини эшитдик. Бу ҳақда сўраган эдик, бизга .Бу бизнинг давоми...

1917 14:08 / 30.11.2024
. .Саъд ибн Убода Зарқийдан, у отасидан ривоят қилади.Мадинанинг масжидида Амр ибн Усмон ибн Аффон билан ўтирган эдим. давоми...

1953 13:30 / 19.02.2020
Жобир ибн Абдуллоҳ Ансорийдан ривоят қилинади.Набий соллаллоҳу алайҳи васаллам шундай дедилар.Кимга бир маъруф қилинса, у жавобан мукофот берсин. Агар мукофотга давоми...

2106 17:32 / 27.04.2021
Кексаларни эъзозлашнинг боши отаонанинг ҳурматини жойига қўйишдан бошланади. Ҳар бир инсон ота ва онадан туғилади ҳамда уларнинг бағрида вояга етади. Фарзанд давоми...

7429 12:05 / 28.11.2019