1445 йил 6 шаввол | 2024 йил 15 апрель, душанба
Минтақа:
ЎЗ UZ RU EN
Силаи раҳм

Отасининг қарзларини тўлаган ўғил

17:00 / 07.07.2022 1286 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Саудиялик бир йигит кекса отаси билан кичик бир уйда яшар эди. Йигит корхонада оддий ходим бўлиб ишлар, уйланиш учун маошидан йиғиб борар, ота ва ўғилнинг ҳаёти камтарона тарзда ўтарди. Кунларнинг бирида уларнинг хонадонига бир одам келиб, йигитнинг отаси билан гаплашмоқчи бўлганини айтди. Меҳмон билан отахон ўртасидаги суҳбат жараёнида йигит отасининг қарздор эканини, бояги одам пулларини сўраб келганини эшитиб қолди. Қарз миқдори тўқсон минг риёл эди. У пулларни сўрар экан, ортиқ кутишга вақти йўқлигини гаплари орасида эслатиб ўтди. Эртаси куни йигит уйланиш учун тўплаган йигирма етти минг риёлни олдида ўша ҳақдорнинг уйига бориб, унга бераётганда бор пули шу эканини, шуни отасининг қарзи сифатида қабул қилишини, қолган маблағларни ҳам бўлиб-бўлиб тўлашини айтди. Ҳақдор бу таклифга рози бўлди. Отахон ўғлининг уйланиши учун тўплаб юрган пулларини қарзга тўлаганидан хабар топди ва дарҳол ҳақдорнинг ёнига бориб, пулларни ўғлига қайтариб беришини илтимос қилиб, ўғли шу пулларга уйланмоқчи бўлганини тушунтирди. Ўғил отасининг қилган ишини билиб қолиб, отасидан бошқа бундай қилмасликни сўради, ҳақдорнинг олдига бориб, ундан пулларни қайтариб бермасликни илтимос қилиб, отасининг қарзини тўлаб бўлгач яна уйланишга пул тўплайвераман, деб айтди. Ноилож қолган ота Аллоҳ азза ва жаллага ўғлидан рози бўлишини ва унга кенг барокатли ризқ ато этишини сўради.

Орадан бир неча ҳафта ўтгач ўғил кўчада бир дўстини учратиб қолди. Суҳбат асносида дўсти унга катта бир компанияда ишлаётганини, у ерда олий маълумотли, тажрибали ва омонатдор ходимларга катта маош тўланаётганини айтди. Йигит бу хабардан шодланди. Ўша компанияга ишга кирди. Компания раҳбари йигитнинг ишидан, ўзининг иши ва компания учун бор иқтидорини сарфлаётганидан мамнун эди. Шунинг учун унинг хизматларини ва ишдаги муваффақиятини тақдирлаб, рағбатлантириб борар эди.

Отасининг қарзини тўлаб, «Аввал отамнинг қарзларини узиб олай, кейин уйланаман», деб падари бузрукворини мамнун қилган фарзандга Аллоҳ таоло ана шундай барака эшикларини очиб қўйди.

Аллоҳ таоло ҳаммамизга ота-оналаримизнинг хизматларини қилиб, дуоларини олишни насиб этсин ва шу орқали Ўзининг розилигига мушарраф қилсин!

Нозимжон Ҳошимжон таржимаси

Хуршид Маъруф тайёрлади

Муаллиф
Хуршид Маъруф
Таржимон
Нозимжон Ҳошимжон
Манба
islom.uz
Мавзуга оид мақолалар
Абу Ҳурайрадан ривоят қилинади.Набий соллаллоҳу алайҳи васаллам шундай дедилар.Жоним қўлида бўлган Зот ила қасамки, сизлар мусулмон бўлмагунингизча жаннатга давоми...

1851 16:00 / 13.03.2023
67. Абу Бакрадан ривоят қилинади.Расулуллоҳ соллаллоҳу алайҳи васаллам .Аллоҳ таоло бу дунёда уқубатини тезлатиб, охиратга ҳам олиб қўйишига лойиқ гуноҳ давоми...

2010 17:00 / 28.03.2019
Аллоҳ таоло Қуръони Каримда шундай марҳамат қилади .Сендан нимани нафақа қилишни сўрарлар. .Нафақа қилган яхшилигингиз отаонага, қариндошларга, давоми...

2292 15:05 / 24.12.2019
Бир аёл ҳар сафар ўғилларидан биронтасини хулқида ёмон ўзгаришни кўрса, дарров садақа қилиб, таом тарқатар ва .Молларидан садақа ол. Бу билан уларни давоми...

1475 21:08 / 11.11.2022
Аудиолар

119862 11:58 / 10.10.2018
«Ҳилол» журнали
Китоблар

41587 14:35 / 11.08.2021