Фаластиндаги зайтун дарахти
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Фаластиндаги ушбу зайтун дарахтининг ёши Фаластин харитасини электрон харитадан ўчирган amazon, google дан ҳам қадимийроқ ҳисобланади. Ҳадисларда зикри келган, кўплаб Пайғамбарларнинг қибласи бўлган, Исро, Меърож мўъжизаларига алоқадор бўлган, биз мусулмонларнинг муқаддас масжидларимиздан бири бўлган, Масжидул Ҳаром ва Масжидун Набавийдан бошқа барча масжидларда ўқилган намоздан у ерда ўқилган намознинг савоби 500 баробар кўп бўлган Масжидул Ақсо, шунингдек, сариқ гумбазли Қуббатус саҳро, ушбу масжид жойлашган шаҳар — Қуддус биз мусулмонларникидир!
Маълумотларга қараганда расмдаги зайтун дарахтини Аллоҳ таолонинг фазли билан Иброҳим алайҳиссалом эккан эканлар.
Фаластин ҳақида яна бир тарихий воқеага назар ташлаб ўтсак.
Фаластинни 150 миллион британия фунт олтинига сотиш сўралганда, султон Абдулҳамидхон II шундай жавоб берган экан:
«150 миллион фунт олтин у ёқда турсин, агар сен бутун дунёдаги олтинларни берсанг ҳам, мен бу таклифни асло қабул қилмайман. Мен 30 йилдан кўпроқ вақт мобайнида Ислом халқига, Муҳаммад соллаллоҳу алайҳи васалламнинг умматларига хизмат қилдим ва мусулмонларнинг, ота-боболаримнинг, Усмонли султон ва халифаларнинг тарих саҳифалари қорайишига ҳеч қачон сабаб бўлмайман. Шунинг учун мендан сўраётган нарсангни асло амалга оширмайман».
Нозимжон Ҳошимжон тайёрлади
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
