Рўйхатни беркитиш
Дарслар рўйхати
1444 йил 16 муҳаррам | 2022 йил 13 август, шанба
Минтақа:
ЎЗ UZ RU EN
Фиқҳ

Фиқҳ 188- дарс. Бомдод намозини овоз чиқариб қироат қилиш

19:01 / 10 июнь 1169 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Ибн Аббос розияллоҳу анҳумодан ривоят қилинади:

«Набий соллаллоҳу алайҳи васаллам жума намозида Жума ва Мунафиқун сураларини ўқир эдилар».

Пайғамбаримиз соллаллоҳу алайҳи васаллам одатда жума намозининг биринчи ракъатига «Алҳамду»дан кейин Жумуъа сурасини зам қилар эдилар, чунки бу сураи каримада жума намози ҳақидаги оятлар бор.

Иккинчи ракъатга эса Мунофиқун сурасини зам қилар эдилар. Бунга сабаб, ушбу сурада мунофиқларнинг танқиди ва мўминларни улардан огоҳлантириш бор. Бу икки сура тўлалигича ҳам ўқилади, улардан баъзи оятларни ўқиш одати ҳам бор.

Расулуллоҳ соллаллоҳу алайҳи васаллам қироатни овоз чиқариб қилганлари учун саҳобаи киромлар у зотнинг жума намозида қайси сурани зам қилганларини билиб олганлар ва ривоят қилганлар.

Ийд намозида овоз чиқариб қироат қилинишига далил:

Аввало, Набий соллаллоҳу алайҳи васаллам доимо икки ийд намозида овоз чиқариб қироат қилганлар. Бирор марта ҳам овоз чиқармай қироат қилганлари маълум эмас.

Нўъмон ибн Башир розияллоҳу анҳудан ривоят қилинади:

«Набий соллаллоҳу алайҳи васаллам икки ийд намозида ва жумада «Саббиҳисма роббикал-аълаа» ва «Ҳал атаака ҳадисул ғошия»ни ўқир эдилар. Қачон ийд ва жума бир кунда жамланиб қолса, иккала намозда ҳам ўша иккови(сура)ни ўқир эдилар».

Пайғамбаримиз соллаллоҳу алайҳи васаллам жума намозида фақат Жумуъа ва Мунофиқун сураларинигина эмас, бошқа сураларни ҳам, жумладан, Аълаа ва Fошия сураларини ҳам зам сура қилар эканлар.

Агар жума куни ийд бўлиб қолса, ҳайит намозида ҳам, жума намозида ҳам Аълаа ва Fошия сураларини зам қилган ҳоллари ҳам бўлган экан.

Бомдоддаги қироатни овоз чиқариб қилишга далил:

Аввало, Набий соллаллоҳу алайҳи васаллам доимо бомдод намозида овоз чиқариб қироат қилганлар. Бирор марта ҳам овоз чиқармай қироат қилганлари маълум эмас.

«Кифоя» китобининг биринчи жузи асосида тайёрланди

Муаллиф
Шайх Муҳаммад Содиқ Муҳаммад Юсуф
Манба
islom.uz
Мавзуга оид мақолалар
Бу йўналишдаги китобларда ҳар бир мўминмусулмон риоя қилиши лозим бўлган шаръий одоблар ҳақида атрофлича сўз юритилади.1. .Барийқаи Маҳмудийя фий шарҳи торийқаи давоми...

3188 21:10 / 08.05.2019
Маълумки, Ҳанафий мазҳабига оид китоблар бир хил мартабада эмас. Бу китоблар уч даражага бўлинади.Биринчи даража.Бу даражадаги китоблар .Усул, деб аталади.Улар яна давоми...

1541 13:30 / 30.04.2020
Фатволар ва воқеъалар деб аталган фиқҳий китобларида кейин келган мужтаҳидлар мазҳабнинг аввалги мужтаҳидларидан ривоят келмаган масалаларда ўзларидан савол давоми...

5801 05:00 / 18.01.2017
Ислом дини Аллоҳ таолонинг охирги ва мукаммал дини ўлароқ, ўзининг илк кунларидан бошлаб инсон жамиятидаги иллатларга қарши ўт очди. Ислом дини жамиятни ислоҳ давоми...

2292 05:00 / 04.03.2017
Топ рейтинг www.uz Openstat