Ҳаёт менга баъзи нарсаларни ўргатди
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Фақирлар билан яшаш роҳатбахш ҳаётдир. Чунки фақирлар чин муҳаббат ва замонлар ўтса ҳам ўзгармайдиган пойдевор соҳиблари бўлишади. Мусибат ўзи катта ҳажмли ҳолда тушади. Сиз уни сабр ва ризо билан кутиб олсангиз, у ўзининг табиий ҳажмига қайтади. Шунда сиз ушбу мусибатга бардошли ва чидамли бўласиз. Синов сизнинг ичингиздаги яширин нарсаларингизни фош этади. Одатда ўзингиз ошкор қилмаган нарсаларни, синов ва мусибат юзага чиқаради. Сиз билмаган, эшитмаган сирлар фош бўлади. Сизга кимлар дўст, кимлар дўст эмаслиги маълум бўлади. Бошингизга синов келганда Аллоҳ таолонинг қазои қадарига рози бўлинг, қуллик одобларига риоя қилинг!
Шунингдек, барча ишда донишмандлар билан маслаҳатлашиш, тажриба соҳибларининг айтган маълумотларига амал қилиш ҳам муваффақиятнинг энг катта сабабларидан биридир. Ҳаётингизда шундай шахслар борки, қалбингиз уларнинг муҳаббатига асирлигича қолиши керак. Улар эса ота-онангиздир. Улар ёшлигингизда тарбия қилган, сиз учун ҳеч қачон чарчамайдиган чин дўстларингиздир.
Имом Шофеъий раҳимаҳуллоҳ дедилар:
«Қуръондаги бир оят золимнинг қалбига ўқ бўлиб санчилса, мазлумнинг қалбига малҳам бўлади».
Шунда у кишидан: «Бу қайси оят», деб сўралди.
У зот: «Аллоҳ таолонинг: «Роббинг унутувчи бўлмаган» деган оятидир».
Имом Қуртубий раҳимаҳуллоҳ айтганлар: «Зиёратга борганда уйнинг ҳамма жойига қарашдан, уйдаги аёлларга боқишдан кўзни тийиш ташриф буюрувчининг одобларидан биридир.
Умар ибн Хаттоб розияллоҳу анҳу кимда-ким бировнинг уй ҳовлисига қараса, фосиқлик қилган бўлади».
Уламолар: «Бировнинг уйига кирганингда кўр бўлиб киргин, чиққанингдан сўнг соқов бўл!», дейишган.
Арабчадан Нозимжон Ҳошимжон таржимаси
Хуршид Маъруф тайёрлади
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
