1445 йил 18 Рамазон | 2024 йил 28 март, пайшанба
Минтақа:
ЎЗ UZ RU EN
Янгиликлар

«Рамазон чодири» Москва мусулмонларини бирлаштирмоқда

17:55 / 30.04.2022 1454 pdf Ўқиш режими + -

Эрон Ислом Республикаси элчиси Козим Жалолий Москвада 29 апрель куни бўлиб ўтган “Рамазон чодири” хайрия ифторлик тадбирида, бутун дунё мусулмонларини бирлашишга чақирди.

“Мен барча диндошларни бирлашишга чақираман. Бутун дунёда мусулмонлар бирлашиши керак ва шундай йўл билан Ғарб мафкураси ва иккиёқлама стандартлар сиёсатига тўсиқ қўйиш мумкин. Бизнинг Қуръонимиз, Қибламиз ва Оллоҳимиз бир”, — деди элчи.

Жалоли айтишига кўра, мусулмонларнинг асосий кучи – бу ирода ва бирликдир. Ғарб ҳарчанд экстремистик ҳаракатларни уюштирмасин, мусулмонлар орасида низо чиқара олмайди.

“Ғарб мафкурачилари террорчи ва экстремистларни мусулмонлар номидан ҳаракат қилишга ишонтира олди, лекин дунёда мусулмонлар орасида низо чиқара олмади. Бизнинг динимиз соф ва барчани тинчлик ва яхши қўшничиликда яшашга чақиради” – деди Жалолий.

Эрон элчиси фаластин муаммоси борасида ҳам тўхталиб ўтди. Унинг сўзларига кўра, Ғарбга ишонч йўқ, чунки Фаластинни эркин қилиш борасида энг юқори доираларда ўтказилган музокаралар ҳам ҳеч нарсага олиб келмади. БМТ томонидан қабул қилинган 900 дан ортиқ ҳужжатлар фақат қоғозда қолди.

“Бир куни келиб дунёдаги барча мусулмонлар Ал-Ақсо масжидида намоз ўқишга имкони пайдо бўлишига ишонаман”, - деб сўзини тугатди элчи.

Халқаро Ал-Ақсо куни – Рамазон ойининг сўнгги жума куни нишонланади. Ушбу кунни нишонлаш Эрон собиқ раҳбари Оятулло Ҳумайний ташаббуси билан, фаластин халқининг мустақиллиги учун курашига бирдамлик рамзи сифатида 1979 йилда бошланган.

Москвада турли давлатлар ва Россиянинг турли вилоятларидан келган мусулмонлар жуда кўп яшайди. Ҳар йили Рамазон ойида Хотира масжиди ҳудудида “Рамазон чодири” номли хайрия ифторлик ўтказиш – анъанага айланган. Тадбир Москвада яшайдиган бирор мусулмон давлатлари, миллий, диний ёки бошқа уюшмалари ҳомийлигида ўтказилади. Бир кун ўзбеклар, бошқа кун тожиклар, учинчи кун татар мусулмонлари 1500 киши учун ифторлик дастурхони ёзади. Одатда, Рамазон ойи бошланмасдан туриб чодирда бўш кун қолмайди.

Ифторлик давомида ҳомий томон турли маданий ва диний тадбирлар ҳам намойиш қилиши мумкин, Қуръон тиловат қилинади, нашидлар куйлайди, танловлар ўтказилади. “Рамазон чодири” миллати ва мазҳаби ва бошқа гуруҳидан қатъий назар – барча мусулмонларни бир хил қабул қилади. Москвада ушбу ажойиб анъана бошланганига бу йил 16 йил тўлди.


Manba: Azon.uz




Манба
Azon.uz
Мавзуга оид мақолалар
2023 йил 21 сентябрь куни Ўзбекистон мусулмонлари идораси раиси, муфтий Нуриддин домла Холиқназар Финляндия мусулмонлари жамоаси бош имоми Рамиль Беляев давоми...

678 18:43 / 21.09.2023
Айни пайтда Миср томонининг таклифига кўра, Ўзбекистон ва Мисрдаги диний соҳага оид марказлар ўртасида 20192023 йилларга мўлжалланган .Йўл харитаси,да кўзда тутилган давоми...

1457 15:40 / 02.07.2019
Тошкент шаҳар Миробод туманида жойлашган Валихўжа ўғли Норхўжаrdquo жоме масжидида қайта таъмирлаш ишлари ўз ниҳоясига етгани муносабати билан, бугун, 2019 йилнинг 30 давоми...

2926 13:40 / 30.03.2019
Туркия Президенти Ражаб Тоййиб Эрдўғоннинг ташаббуси билан бундан 6 йил аввал таъмирланиши бошланган Чамилжа Қалмық масжиди 7 март куни, Рағоиб кечасида расман давоми...

3107 07:00 / 24.02.2019
Аудиолар

118736 11:58 / 10.10.2018
«Ҳилол» журнали
Китоблар

40699 14:35 / 11.08.2021