Рамазоннинг охирги кунларида икки Муқаддас масжид зиёратчилар билан тўлди
Рамазон ойининг 27-куни арафасида Маккадаги Масжидул Ҳаром ва Мадинадаги Расулуллоҳ соллаллоҳу алайҳи васаллам масжидлари намозхонлар билан тўлди. Ҳар йили Лайлатул-Қадр кечасида Икки масжидга ташриф буюрувчилар сони айниқса, кўпайиб кетади.
Рамазон ойининг охирида имомлар муқаддас ойнинг биринчи кунидан бошланган Қуръон хатмини ниҳоясига етказар экан, масжидлар янада гавжумлашади.
Икки Муқаддас масжид Бош бошқармаси ўзининг Хизмат кўрсатиш агентлиги орқали зиёратчилар учун эшикларни очишдан тортиб, уларнинг ҳудудга киришини ташкил қилишгача бўлган барча қулайликларни яратган. Зиёратчиларга совутилган замзам суви ҳам берилади.
Минтақавий соғлиқни сақлаш бошқармаси матбуот котиби Ҳамад бин Файхоннинг Arab News’га айтишича, зиёратчиларга энг яхши хизмат кўрсатиш ва уларнинг қулайликларини таъминлаш учун 18 минг шифокор кечаю кундуз ишламоқда.
Manba: Azon.uz
© islom.uz 2003-2024.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
