1445 йил 19 Рамазон | 2024 йил 29 март, жума
Минтақа:
ЎЗ UZ RU EN
Муслималар саҳифаси

Намознинг асоси поклик ва таҳоратдир

09:30 / 29.03.2022 2138 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Ҳеч қачон орқа сурмайдиган ёки беэътибор бўлмайдиганинг ибодат намоздир. Намоз иймондан кейинги ва иймонни тирик сақлаб турадиган энг буюк ибодатдир. Ҳаётингни намозга кўра тартибга сол. Намоз ўқийдиган билан дўстлаш. Намоз ўқийдиган билан оила қур. Намоз ўқиладиган уйнинг меҳмони бўл. Намоз ўқийдиганни меҳмон қил. Таомингни намоз ўқийдиган билан баҳам кўр. Хайр-эҳсонни аввал намоз ўқийдиганга бер. Намоз ўқийдиган билан қўшни бўл. Ўзинг намоз ўқийдиган масжид ёнидаги уйда яшагин. Намоз билан Роббингдан ёрдам сўралишини билгин.

Шунинг учун, намознинг нозик жиҳатларини жуда яхши ўрган. Намоз ҳақидаги фиқҳий билимларни албатта ўзлаштир. Бу билимингни эскирмасидан аввал мустаҳкамлаб бор.

Агар қазо намозларинг бўлса, уларни адо этинг. Ўқилмаган ҳар бир намоз охиратда сен учун муаммо эканини унутма.

Намоз ўз вақтида ўқилади. Агар азон айтилганда намознинг ҳаяжонини ҳис қилсанг, у сени меърожларга юксалтиради. Азон сени ҳаракатга келтириши лозим.

Намозни севиш, намознинг рамзи бўлган масжидга муҳаббат қўйиш керак. Масжидга тез-тез ташриф буюриб тур. Аммо бу ташриф туристик зиёрат эмас, балки намоз ўқиш бўлиши керак.

Намознинг асоси поклик ва таҳоратдир. Мукаммал поклик ва таҳорат мукаммал намознинг биринчи шартидир. Намозга жиддий киришганинг поклик ва таҳоратда кўринсин. Лекин бу борада васвасага тушиб қолма. Ҳозирги замондаги аёллар дучор бўлган энг жиддий муаммоларидан бири тозалик борасида ҳаддан ташқари васваса тушиб қолишларидир.

Намоз ҳушуъ билан ўқилади. Ҳушуъ Аллоҳ таолонинг ҳузурида эканингни билиш ва талаб этилганидек ҳурмат бажо келтиришингдир. Ҳушуъ дунёвий ишлар билан бирга кетади, ўрнини вақтни ўтказадиган нарсаларга бўшатиб беради. Буни эсингдан чиқарма.

Намоз сен адо этишинг зарур бўлган фарзлардир. Уларни қолдирмай бажо келтир. Фарздан ташқарилари нафл дейилади. Нафлларни қанчалик кўп ўқисанг, охиратинг учун шунчалик фойда оласан. Шунинг учун нафл ибодатларга ҳам вақт ажрат. Нафл ибодатларнинг ҳеч бўлмаса биттасини умрингнинг охиригача тарк этмасликка қарор қил. Масалан, ишроқ намозини ўқи.

Закот намознинг эгизагига ўхшайди. Танани намоз билан, мол-мулкни закот билан тарбиялаймиз. Шаръий ҳукмларга кўра закот беришга қодир оилалимисан ёки бўйдоқ, талабамисан, уни адо этишни вазифанг деб бил.

Фарз бўлмасдан берилган садақа ҳам катта ютуқ эшигидир. Садақа Аллоҳ йўлида бирор нарса бериш. Бу пул ҳам ёки жисмоний ёрдам ҳам бўлиши мумкин. Сенга қараб турган мўмина синглингга табассуминг ҳам мумкин. Инсонга ва тирик мавжудотга фойдаси тегадиган ҳамма нарса бўлиши мумкин. Шунинг учун хоҳ талабамисан, хоҳ фақир эҳсон эшиги сен учун очиқ. Эҳсон қилувчилардан бўлишга интил. Олувчи бўлмасликка эътибор бер.

Нуриддин Йилдиз

Маҳмуд Маҳкам таржимаси

Манба
islom.uz
Мавзуга оид мақолалар
Нефть соҳасида ишловчи бир муҳандиснинг аёли вафот этиб, ундан уч нафар ўғил қолди. Болаларнинг каттаси бошланғич мактабнинг учинчи синфида ўқир, кенжаси эса икки давоми...

2726 14:16 / 14.04.2023
Дунё мўъжизаларга бой бўлиб, улардан бири она сутининг мўъжизаси энг ҳайратланарлисидир. Гўдак туғилиб чинқириб йиғлайди, она кўкрагини боланинг оғзига солиши давоми...

4575 16:12 / 08.07.2020
Қиз болада аёллик ҳислари уйғонар экан, у онаси томонидан ўзининг эътироф этилишини, ўртада янги чегаралар ўрнатилишини истайди, у билан ўзаро рақобатлашишни давоми...

4521 11:45 / 10.01.2019
Ҳикоя қилинишича, саҳрода яшайдиган бир киши амакисининг қизига уйланди. Орадан йиллар ўтиб, аёли унга тўққиз ўғил фарзанд туғиб берди. Яна орадан йиллар ўтиб, аёл давоми...

7939 17:00 / 25.05.2022
Аудиолар

118790 11:58 / 10.10.2018
«Ҳилол» журнали
Китоблар

40741 14:35 / 11.08.2021