Ўрта ер денгизи бўйида «Бисмиллаҳ» калимасига ўхшаш фигура топилди
Туркиянинг Ўрта ер денгизи бўйида Анталия вилоятидаги мармар плита устида «Бисмиллаҳ» калимасига ўхшаш фигура топилган. Тошда пайдо бўлган фигура конда тошни қайта ишлаш хизматчиларнинг эътиборини тортган. Ишчилар тошнинг чангини тозалаш чоғида унинг араб ҳарфлари билан ёзилган «Бисмиллаҳ» калимасини пайқаб қолишган. Сўнгра плита таҳлил учун Туркиянинг жануби-ғарбидаги Испарта вилоятидаги Сулаймон Демирел университетига юборилган.
Физули Яғмурлу, Расит Олтиндаг ва Назми Сенгун каби олимлар ўз таҳлилларида қизиқарли кашфиёт қилишди. Мармар таркибидан 195 миллион йиллик қолдиқлар топилган бўлса-да, бу ёзув табиий равишда пайдо бўлган деб ишонилади. Пластинани ҳосил қилган доломитик оҳактошда 195 миллион йил аввал юра даврида яшаган денгиз жонзотларига тегишли биокластик қолдиқлар топилган.
Маърузада Бисмиллоҳ тошидаги фигуралар мутлақо табиий шакл эканлиги, ёзувлар эса юрак шаклидаги молюскалар қолдиқларининг парчаланиши, деформацияси ва жойлашиши натижасида ҳосил бўлганлиги таъкидланган.
Акдениз университети илоҳиёт факультети декани Аҳмет Огке томонидан тақдим этилган илмий ҳисоботга кўра, тош устида шаклланган фигура ҳақиқатда арабча Бисмиллаҳ калимасидир.
Хуршид Маъруф
© islom.uz 2003-2024.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
