Етти ёшида Қуръонни ёд олган Мария
Англиянинг Лутон шаҳридан Мария Аслам Қуръони Каримни ёд олиш учун тинимсиз меҳнат қилиб, бутун дунё мусулмонлари қалбидан жой олди. Унинг Қуръон ўрганишга бўлган қизиқиши Суриядаги оилалар учун маблағ йиғиш мақсадида ўтказилган хайрия тадбиридан бошланган.
Онаси Мариянинг ёд олиш қобилияти яхши эканлигини пайқаб, Қуръон ҳофизаси бўлишига ёрдам берган.
Мария кунига 5 соатга яқин Ислом илмларини ўрганишга вақт сарфлаган. Муқаддас китобнинг ҳар бир қисмини ёд олгандан кейин онаси унга ғайратли бўлиши учун ўзи танлаган мукофотни берарди.
У журналистларга берган интервьюсида онаси бу ҳаракатлар натижасини жуда сабр-тоқат билан кутган ва буни кўриш учун Аллоҳ унга сабр берган деб ўйлайди.
Икки йиллик тинимсиз меҳнатдан кейин Мария мақсадига эришди. Етти ёшида у Қуръонни тўлиқ ёд олди. Ҳозир ўн икки ёшга тўлган ёш муслима қиз ўз вақтини бошқаларга Қуръон ўқишни ўргатиш, шунингдек, ўзининг қироатлари видеоларини ижтимоий тармоқлар орқали онлайн тарзда баҳам кўришга сарфлайди.
Хуршид Маъруф тайёрлади
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
