Дубайда маҳбуслар Қуръони Каримни ёд олди
Бирлашган Араб Амирликларининг пойтахти Дубайда сўнги икки йилда 605 нафар маҳбус Қуръони Каримни ёд олди.
2021 йилда 1228 нафар маҳбус Дубай полициясининг жазо ва ахлоқ тузатиш муассасаларининг умумий бўлимида таълим, дин, спорт ва касбий дастурларда ишга жойлаштирилди.
Маҳкумларнинг таълим ва тарбия фаолияти тўртта бўлимдан иборат: Таълим дастурлари бўлими, Диний маросимлар бўлими, Спорт фаолияти бўлими ва Касб-ҳунар таълими бўлими. Маҳкумлар Қуръони Каримни ўрганиш ва тиловат қилишга даъват этилади. Улардан 605 нафар маҳкум сўнги икки йилда Қуръони Каримни ёд олди.
Маҳкумлар Дубай таълим минтақаси, маҳаллий ва халқаро коллежлар билан ҳамкорликда турли академик даражаларда таълим олишади ва кутубхона барча керакли китобларнинг сўнги нусхалари билан таъминланади. Таълим дастурлари департаменти маҳбуслар учун жамиятга асосланган корпоратив санъат курслари, график дизайн, кино ижодкорлиги, инглиз тили, хитой тили, Янгер бошқаруви ва ижодкорлик каби турли курслар ва ўқув дастурларини таклиф этишади.
Ўтган йили 170 нафарга яқин маҳкум фан йщналиши бўйича, 191 нафари эса таълим курсларидан фойдаланди.
Дубай полициясининг жазо ва ахлоқ тузатиш муассасаси Бош департаменти раҳбари генерал-майёр Али ал-Шамалийнинг айтишича, дастур маҳкумларнинг кўникма ва қобилиятларини ривожлантириш ва реабилитация қилиш ҳамда уларнинг диний эътиқодларини мустаҳкамлашга қаратилган.
Шунингдек, ушбу дастурлар турли хил психологик муаммоларни ҳал қилади ва маҳбуслар озод этилгандан кейин қўрқув ва низоларни бартараф этишга ёрдам беради.
Кафедрада жиу-житсу, бокс ва карате каби жанг сан’атлари курслари билан бир қаторда футбол, қўл тўпи, волейбол каби турли ё‘налишларда йил давомида турнирлар ва спорт тадбирлари ташкил этилади.
Бундан ташқари, жазо ва ахлоқ тузатиш чораси сифатида умумий бўлим маҳкумлар учун 3D анимация, органик деҳқончилик, мотор механикаси, график дизайн, боғдорчилик, ландшафт дизайни, лазерли кесиш, ўймакорлик техникаси, ниқоб ясаш бўйича турли курсларни жорий қилди.
Хуршид Маъруф
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
