Имрон Хон Путинга миннатдорчилик билдирди
Покистон бош вазири Имрон Хон Россия президенти Владимир Путин билан телефон орқали мулоқотда мусулмонлар Россия раҳбарининг Муҳаммад соллаллоҳу алайҳи васаллам ҳақларидаги сўзларини қўллаб-қувватлашини айтди. Бу ҳақда душанба куни Кремль матбуот хизмати хабар берди.
«Имрон Хон Россия Президентининг 23 декабрь куни бўлиб ўтган йиллик матбуот анжуманида сўз эркинлиги баҳонасида ҳар қандай хатти-ҳаракатларга йўл қўйиб бўлмаслиги ҳақидаги баёноти Покистон жамияти ва бутун мусулмон дунёсида кенг қўллаб-қувватланаётганини таъкидлаган.
Кремлнинг қўшимча қилишича, Путин шу нуқтаи назардан Россия тарихан кўп миллатли ва кўп конфессияли давлат бўлиб, унда турли динларга, жумладан, исломга эътиқод қилувчи халқлар анъанавий тарзда бирга яшаб, ўзаро ҳамкорлик қилади деган.
Давлат раҳбарлари телефон мулоқотида икки томонлама алоқаларни, хусусан, савдо-иқтисодий, энергетика ва гуманитар масалаларни муҳокама қилган, - дейилади хабарда.
Ўтган йилнинг декабрь ойида бўлиб ўтган катта матбуот анжуманида Владимир Путин Пайғамбаримиз Муҳаммад соллаллоҳу алайҳи васалламни ҳақорат қилиш «дин эркинлигини бузиш ва исломга эътиқод қилувчиларнинг муқаддас туйғуларини бузиш» эканлигини айтган эди.
Хуршид Маъруф
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
