1445 йил 6 шаввол | 2024 йил 15 апрель, душанба
Минтақа:
ЎЗ UZ RU EN
Силаи раҳм

Силаи раҳм нима?

11:37 / 16.01.2022 4397 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Опа-синглингизни узатганмисиз?

Бошқа хонадоннинг эшигини очиб ўтирибдими?

Вақт топиб, тез-тез йўқлаб туринг. Нимадир олиб бориш эмас, асосийси, эътибор. Барибир, қуруқ қўл билан бормайсиз, шундай эмасми?

Агар жиянларингиз бўлса, уларнинг қанчалик қувонишларини кўз олдингизга келтиринг. Сиздек тоғаси келганидан шод бўлишади.

Ишонинг, уларнинг ўша дақиқаларда қанчалик кўнгиллари кўтарилиб, хурсанд бўлишларини тасаввур қилолмайсиз.

Ёки ака-укангиз, тоға, хола, амаки, амма ва уларнинг фарзандлари ҳолидан хабар олиб турасизми? Агар мазкур қариндошлар билан борди-келдини йўлга қўйган бўлсангиз ва бу ишни Аллоҳнинг розилигини кўзлаб қилсангиз, бу буюк ибодат бўлади, бунинг номини силаи раҳм дейилади.

Аллоҳ таоло Қуръони Каримда шундай деб марҳамат қилган:

۞ إِنَّ اللَّهَ يَأْمُرُ بِالْعَدْلِ وَالْإِحْسَانِ وَإِيتَاءِ ذِي الْقُرْبَىٰ وَيَنْهَىٰ عَنِ الْفَحْشَاءِ وَالْمُنكَرِ وَالْبَغْيِ ۚ يَعِظُكُمْ لَعَلَّكُمْ تَذَكَّرُونَ

“Албатта, Аллоҳ адолатга, яхшилик қилишга, қариндошга (ҳақини) беришга амр этур ва фаҳшдан, мункардан ҳамда тажовузкорликдан қайтарур. У сизларга ваъз қилур. Шоядки, эслатма олсангиз” (Наҳл сураси, 90-оят)

Пайғамбаримиз соллаллоҳу алайҳи ва саллам башорат бериб, бундай деганлар: “Кимни ризқу рўзи кенг бўлиши ва умри узоқ бўлиши хурсанд этса, бас у силаи раҳм қилсин, яъни қариндошлик ришталарини мустаҳкамласин” (Имом Бухорий ва Муслим ривоятлари).

Агар опа-сингилларимиздан, умуман, қариндошларимиздан хабар олмасак, борди-келди қилмасак, бу фазилатни унутиб юборсак, унда нима бўлади?

Имом Бухорий ва Имом Муслим ривоят қилган ҳадисда Расулуллоҳ соллаллоҳу алайҳи ва саллам марҳамат қиладилар: “Силаи раҳм қилмаган, яъни қариндошларидан алоқани узган одам жаннатга кирмайди. Силаи раҳм доимий борди-келди эмас, балки узоқлашиб кетган қариндош ҳолидан хабар олишдир”.

Демак, борди-келди қилмай қўйиш кишининг жаннатдан маҳрум бўлишига сабаб бўлар экан. Ҳадисга мувофиқ борди-келди йўлга қўйилмай узоқлашиб кетилган қариндошимизникига боришимиз, борди-келдини йўлга қўйишимиз лозим экан. Чинакам силаи раҳм мана шу экан. Акс ҳолда алоқани узган одам жаннатга кирмас экан. Шунинг учун силаи раҳмга эътиборли бўлишимиз, қариндошлар билан мунтазам алоқани йўлга қўйишимиз лозим бўлади. Тез-тез кўришиб турилган қариндошчиликни ҳам, узоқлашиб кетилаётган қариндошчиликни ҳам сақлаб, ўзаро муносабатларни давом эттиришимиз лозим.

Аллоҳ таоло барчамизни силаи раҳмни узмай, уни тутиб турувчи бандаларидан қилсин! У Зот барчамизни Ўзининг ҳидоятидан айирмасин ва хотимамизни чиройли қилсин!


Islom.uz, Muslim.uz ва бошқа интернет

 маълумотлари асосида

 Нозимжон Ҳошимжон тайёрлади

Муаллиф
Нозимжон Ҳошимжон
Манба
islom.uz
Мавзуга оид мақолалар
Анас розияллоҳу анҳудан ривоят қилинади . ,. ..Расулуллоҳ соллаллоҳу алайҳи васаллам дедилар.Аллоҳ таборака ва таоло .Мен сочсоқоли Исломда давоми...

1950 16:05 / 21.10.2019
Ушбу сарлавҳада зикр қилинган маъно имом Ибн Можа ва имом Аҳмад ривоят қилган ҳадиси шарифда келган Имом Ҳасан ва имом Ҳусайн кичиклик чоғларида югуриб давоми...

2206 14:00 / 13.06.2019
Абу Саламадан ривоят қилинади.Абу Саъид Худрийнинг олдига бордим. У билан дўст эдик. Мен унга.Биз билан бирга хурмозорга чиқмайсанми, дедим. У чиқди. Эгнида хомийса давоми...

3070 11:32 / 15.05.2022
Амр ибн Осдан ривоят қилинади.Набий соллаллоҳу алайҳи васаллам менга одам юбориб, кийимларимни кийиб, аслаҳамни олиб боришимни тайинладилар. Борсам, тоҳарат давоми...

1182 16:00 / 27.11.2023
Аудиолар

119861 11:58 / 10.10.2018
«Ҳилол» журнали
Китоблар

41586 14:35 / 11.08.2021