Musoning mo'jizalari
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Fir'avn o‘zining g‘azab o‘qlarini bo‘shatgach, Muso uni Alloh o‘qi bilan otmoqchi bo‘ldi.
«(Muso) dedi» Yoki men senga ochiq-oydin narsa keltirsamchi?!»
«(Fir'avn) dedi: «Agar rostgo‘y kishilardan bo‘lib, oyat mo‘'jiza bilan kelgan bo‘lsang, qani uni keltir».
«Shunda (Muso tutib turgan) asosini tashlagan edi, banogoh u aso rostakam ajdarga aylandi. Keyin qo‘lini (cho‘ntagidan) chiqargan edi, banogoh u qarab turganlarga (kundan ham) oq bo‘lib ko‘rindi. (Holbuki, Muso qoramag‘iz odam edi)».
Fir'avn hamsuhbatlariga aytish uchun yana gap topdi. «(Fir'avn) atrofidagi kishilarga dedi: «Albatta bu bilimdon sehrgardir».
Majlis ahli ham uning so‘zini quvvatlab: «Bu ochiq sehr» dedilar».
«Muso dedi: «Sizlarga haqiqat kelgan vaqtda («Bu sehr»), deysizlarmi?! Sehrmi shu? Axir sehrgarlar muvaffaqiyat qozonolmaydilar-ku?!»
Fir'avn Musoga boshqa o‘q otdi va: «Ular dedilar: «Sen bizlarni ota-bobolarimizni amal qilgan holda topgan dinimizdan burish uchun va ikkovingiz yerimizga ega bo‘lib olish uchun keldingmi?! Biz sizlarga iymon keltirguvchi emasmiz!».
Fir'avn xalqni podshohlar qilig‘i kabi Muso alayhissalomga qarshi qayramoqchi bo‘ldi:
«Fir'avn aytdi: «U sizlarni o‘z yeringizdan chiqarmoqchi, nima deysizlar?»
Shunda kishilar Fir'avnga quyidagicha maslahat berdilar:
- Sen mamlakatingdagi jami o‘tkir sehrgarlarni to‘plagin. Ular Musoni mag‘lub qilsinlar. Shunday qilib butun Misr mamlakati bo‘ylab jarchilar
tarqatildi:
- «Ogoh bo‘lingizkim, kimda-kim sehr (qilish)ni bilsa, shoh huzuriga borsin».
Mamlakatning turli burchaklaridan sehrgarlar yig‘ildi. Ziynat kuni deb atalgan bayram kuni va'dalashilgan vaqt bo‘ldi.
«Odamlarga aytildi: «Sizlar to‘planguvchimisizlar?
Shoyad biz, agar ular g‘olib bo‘lsalar, sehrgarlarga ergashsak».
Abul Hasan Ali Hasan an-Nadaviy
Tarjimon Anvar Ahmad
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
