Гамбургда аёллар учун онлайн Қуръон дарслари очилди
Гамбург Ислом маркази 2022 йилнинг биринчи чорагида аёллар учун онлайн Қуръон дарсларини ўтказишини маълум қилди.
Маълумотларга кўра, бу курслар орасида Қуръон тиловати, тафсир ва таржима ҳамда аёллар учун махсус тренинглар ўтказилади. Баъзи дарслар ақлий ривожланиш ва инглиз тилини ўргатишга (янги бошланувчилар учун) қаратилган.
Гамбург Ислом марказининг биринчи чорак дастурларида жума кунлари «Исломда ҳайвон ҳуқуқлари» китобини ўқиш ва профессор Фалатори кутубхонасида соат 11 дан 12 гача аёллар билан юзма-юз дарслар бўлиши режалаштирилган.
Бундан ташқари марказда 9-14 ёшли болалар учун пайшанба кунлари соат 17:00 дан 18:00 гача Қуръон ўқиш дарслари ҳам йўлга қўйилган. Гамбургдаги онлайн Қуръон дарсларида қатнашмоқчи бўлган аёллар ўзларининг исми, фамилияси, телефон рақами ва Skype ID рақамини телеграм орқали @mashreghi77 манзилида рўйхатдан ўтказишлари мумкин.
Хуршид Маъруф тайёрлади
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
