1443 йил 8 зулҳижжа | 2022 йил 07 июль, пайшанба
Минтақа:
ЎЗ UZ RU EN
Қуръон

Бу инсон ким?

15:00 / 03 январь 4931 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Кўпчилик бу одамни танимайди. Бу киши Мисрнинг кўзга кўринган қориларининг тиловатларини ёзиб олган ва Қуръони Каримнинг овозли шаклини жамлаган инсондир.

Бу инсоннинг мақсади Қуръони Каримни кассеталарга ёздириш ва турли ривоятлар билан ўқилган тиловатларни бекатлар, вокзаллардаги радиоузел орқали халққа эшиттириш эди.

Бу одам ушбу мақсадини Азҳари шарифнинг ўша пайтдаги шайхи Шайх Шалтутга айтганида, шайх бунга рози бўлиб, ушбу фикрни маъқуллайди.

Расмдаги одам Қуръони Каримни муҳофаза қилиш жамиятига раислик қиларди.

Сўнг қироатнинг етук уламолари мазкур лойиҳани назорат қилиш учун таклиф этилади. Масалан, Шайх Омир Усмон, Шайх Абдулфаттоҳ Қози ва бошқалар шулар жумласидандир.

Ҳакамлар ҳайъати Қуръони Каримнинг тўлиқ хатм тиловатини кассеталарга ёзиб олиш учун машҳур қориларни навбати билан таклиф эта бошлайди. Уларнинг биринчиси Шайх Маҳмуд Халил Ҳусарий раҳимаҳуллоҳдир. Ҳа, Ҳусарий раҳимаҳуллоҳ Имом Осимдан Имом Ҳафс ривояти бўйича Қуръони Каримнинг илк овозли тиловати соҳиби ҳисобланадилар.

1961 йил, 18 сентябрь, соат тонгги 06:00. Қоҳира радиосида Қуръони Каримнинг тартил билан қилинган тиловати эфирга узатилди. Тиловатни Шайх Маҳмуд Халил Ҳусарий раҳимаҳуллоҳ қилардилар.

Шундан сўнг улуғ қориларнинг Қуръони Каримни тўлиқ тиловат қилганлари ёзиб олиниб, эфирга бериш давом эттирилади.

Бу устоз қорилар Шайх Мустафо Исмоил раҳимаҳуллоҳ, Шайх Миншавий раҳимаҳуллоҳ, Шайх Маҳмуд Али Банно раҳимаҳуллоҳ ва Шайх Абдулбосит Абдуссамад раҳимаҳуллоҳ эдилар.

Аллоҳ таоло юқоридаги беш улуғ қориларни мазкур улкан лойиҳада жамлади. Аллоҳ таолонинг иродаси ва изни ила, мазкур беш нафар устозларнинг барчалари Қуръони Каримнинг тўлиқ хатмини кассеталарга ёздириш шарафига муваффақ бўлдилар.

Аллоҳ таоло Абу Бакр Сиддиқ розияллоҳу анҳу ва Усмон розияллоҳу анҳунинг даврларида Қуръони Каримнинг териларга ёзилиб, жамланишини насиб этган бўлса, расмдаги инсонга Қуръони Каримнинг овозли шаклини жамлашни насиб этди.

1988 йилда вафот этган, улкан лойиҳани амалга оширган бу бахтли инсоннинг исми доктор Лабийб ас-Саъийд раҳимаҳуллоҳдир.

Бугун биз интернетда тинглаётганимиз — Шайх Ҳусарий, Шайх Мустафо Исмоил, Шайх Миншавий, Шайх Банно, Шайх Абдулбосит раҳимаҳумуллоҳнинг 30 поралик қироатлари Аллоҳ таолонинг фазли билан мана шу инсоннинг меҳнати самарасидир.

Аллоҳ таоло дунёда яшаб ўтган барча қориларни, жумладан, ушбу лойиҳада иштирок этган машҳур устозларни ва улуғ ишга қўл урган Лабийб ас-Саъийдни раҳматига олсин ва Қуръони Каримга қилган хизматларининг ажрини зиёда қилиб берсин!

Интернет маълумотлари асосида

Нозимжон Ҳошимжон тайёрлади

Манба
islom.uz
Мавзуга оид мақолалар
Муташобиҳ сифатлар деганда, Аллоҳ таолони сифатлаб келган, аммо сиртдан қараганда, У Зот таолога нисбат бериб бўлмайдиган оятларнинг маъноси кўзда тутилади. давоми...

1919 13:00 / 25.08.2020
иккинчи мақолаСуннатнинг суннат билан насх қилиниши..Суннат Набий соллаллоҳу алайҳи васалламдан асар бўлиб қолган гап, иш, тақрирдир,.Суннат бизга етиб келиши давоми...

2256 15:00 / 21.04.2020
«Энг муносиб жой» деганда Аллоҳ таоло Қуръони Каримни нозил этиш учун танлаган макон Маккаи Мукаррама, Мадинаи Мунаввара ва уларга боғлиқ жойларни кўзда давоми...

6654 18:36 / 06.04.2018
.Ким унинг ила даъват қилса, сиротул мустақимга ҳидоят қилинур,.Ҳа, ким одамларни сиротул мустақимга ndash энг тўғри йўлга даъват қилмоқчи бўлса, Қуръони Каримга давоми...

4419 09:43 / 04.11.2017
Аудиолар

84791 11:58 / 10.10.2018
«Ҳилол» журнали
Китоблар

14275 14:35 / 11.08.2021
Топ рейтинг www.uz Openstat