Allohga da'vat
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Musoning haq so‘zlariga e'tiroz bildirishdan ojiz qolib, javob topa olmagach Fir'avn munozarada yutib chiqmoqchi bo‘ldi:
- Ey Muso! Sen aytayotganingni eshitib qoldim, barcha olamlar Parvardigori kim o‘zi?
Muso dedi:
U (Muso): «Agar anglamoqchi bo‘lsangiz, U osmonlaru yer va ularning orasidagi narsalarning Robbidir», dedi.
Bu javobni eshitib darg‘azab bo‘lgan Fir'avn davra ahlini ham gij-gijlay boshladi.
- «Bas (Fir'avn) atrofidagilarga dedi: (Uning nimalar deyayotganini) eshityapsizlarmi?». Lekin Muso o‘z so‘zini to‘xtatmasdan Fir'avnga ikkinchi zarbani berdi.
«(Muso) dedi: «(U) sizlarning Parvardigoringiz va avvalgi otalaringizning (ham) Parvardigoridir».
Fir'avnni g‘azabi qattiqlashib, sabr qila olmadi: «Albatta sizlarga yuborilgan rasullaringiz aniq majnundir».
Muso alayhissalom esa o‘z so‘zini hamon davom qilardi: «(Muso) dedi: Agar sizlar aql yurgizib ko‘rsangizlar, (Alloh) mag‘ribu mashriq va ular o‘rtasidagi (barcha) narsaning Parvardigoridir». Fir'avn Muso alayhissalomni o‘zi uchun achchiq bo‘lgan bu masaladan chalg‘itishni niyat qildi. U xalqni Musoga qarshi qilib qo‘ymoqchi bo‘ldi.
«(Fir'avn) dedi: «U holda avvagi avlodlarning holi nedur?» (Ya'ni Parvardigoring ularni ham azoblaganmi?)
Fir'avn o‘zicha o‘yladi; Agar Muso «avvalgi avlodlar haq ustida bo‘lganlar» desa, «ular ham but-sanamlarga sig‘inishgan» deyman.
Agar «ular adashgan nodon kimsalar bo‘lgan» desa, majlis ahlining g‘azabi keladi va u kishilar otalarini haqoratlangan hisoblaydilar.
Lekin Muso Fir'avndan aqlliroq edi. Parvardigori unga ilm va hikmat bergandi:
«(Muso) aytdi: «Ular haqidagi bilim Parvardigorim huzuridagi Kitobda - Lavhul Mahfuzdadir. Parvardigorim adashmas va unutmas».
So‘ng Muso shu paytgacha Fir'avn qo‘rqib-qochib kelayotgan masala haqida so‘z boshladi:
Parvardigorim adashmas va unutmas. «U zot yerni sizlar uchun beshik qarorgoh qilib qo‘ydi va unda yo‘llar paydo qildi hamda osmondan suv (yomg‘ir-qor) yog‘dirdi».
Lom-lim deya olmay qolgan Fir'avn g‘azablangan va javobdan ojiz qolgan shohlar tomonidan aytiladigan ma'lum jumlalarni yana bir bor takrorladi.
«(Fir'avn) dedi: «Agar mendan o‘zga ilohni (o‘zingga iloh qilib) olsang, albatta men seni zindonbandlardan qilur.
Abul Hasan Ali Hasan an-Nadaviy
Tarjimon Anvar Ahmad
© islom.uz 2003-2024.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
