Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Дунёнинг илғор тиббиёти турли хил касалликлардан сақлаш йўлларини излаётган бир пайтда Аллоҳ таоло тарафидан инъом этилган Ислом дини кўп касалликлардан сақланиш имкониятини бермоқда. Хусусан, беш вақт намоз, ҳалол таомлар билан овқатланиш, Рамазондаги рўза, пайғамбар соллаллоҳу алайҳи васалламнинг суннатларига амал қилиб яшаш инсон саломатлиги учун катта аҳамият касб этмоқда.

Яқинда Дания университети тадқиқотчилари пластик ўйинчоқларда саратон касаллигига сабаб бўлувчи зарарли кимёвий моддаларни аниқлашган.

Халқаро тадқиқот шуни кўрсатдики, болалар учун пластик ўйинчоқларда зарарли кимёвий моддалар аниқланиб, у саратон касаллигига олиб келиши мумкин экан.

Science Direct тиббий журналида чоп этилган мақолада болаларнинг пластик ўйинчоқларида уларнинг саломатлигига зарар бўлиши мумкин бўлган 100 дан ортиқ кимёвий моддалар топилгани аниқланган.

Тадқиқот жараёнида болаларнинг пластик ўйинчоқларида ишлатиладиган 419 та қаттиқ, юмшоқ ва кўпикли кимёвий моддалар белгиланган. Улардан 126 таси саратон касаллигига қолгани эса болалар саломатлигига зарар етказиши мумкин бўлган моддалардан иборат эканлиги маълул қилинган.

Дания университети тадқиқотчиси доктор Питер Фанткенинг айтишича, зарарли кимёвий моддалар 31 та пластификатор, 18 та оташни тўхтатувчи ва 8 та зарарли парфюмерия кимёвий моддаларини ўз ичига олади.

Мутахассислар пластик ўйинчоқлар ишлаб чиқаришда зарарли кимёвий моддалардан фойдаланишни олдини олишга қаратилган озиқ-овқат хавфсизлиги мониторинг кузатув каби ташкилот билан этикетланган бўлиши кераклигини таъкидлашди.

Қарангки, тадқиқотчилар поклик, тозалик, ҳалол луқмага эътибор бериш кераклигини айтишмоқда. Буларнинг барчасига аллақачон Ислом жавоб бериб қўйган. Ушбу сифатларга эса риоя қилиш қолган холос.

Аллоҳ таоло барчамизни турли касалликлардан асрасин! Бошимизда турган бу вабони ҳам Ўзи даф қилсин!

Хуршид Маъруф