Уэльсда масжид ва Ислом маркази очилди
Уэльснинг Абергавенни шаҳрида масжид ва Ислом маркази очилди. Абергавенни мери Тюдор Томас масжид ва марказнинг очилишини илиқ кутиб олди ва уэльсликларнинг барча дин ва миллатларга нисбатан бағрикенглигини таъкидлади. «Бу шаҳарда ушбу марказнинг мавжудлиги бахтиёрликдир. Мусулмон жамоаларининг ижтимоий ва маданий фаолиятига хизмат қиладиган марказдир», дейди Тюдор Томас.
Маросимда шаҳар мусулмонлари афғон қочқинларини қабул қилишга тайёр эканликларини маълум қилди.
Аввалроқ Абергавенни мусулмон жамоасига шаҳарда жума намозини ўқишга рухсат берилган эди.
Абергавенни Уэльс ва Англия чегарасида жойлашган Монмутширнинг тарихий ва замонавий округидаги шаҳар ҳисобланади. Бу ерда 12 000 га яқин аҳоли истиқомат қилади. Баъзан ушбу шаҳарни «Уэлсьга кириш эшиги» деб ҳам аташади. Ҳозирда Уэльсда тахминан 40 га яқин масжидлар мавжуд бўлиб, уларнинг аксарияти Кардифф, Нюпорт ва Суонси каби мусулмон аҳолиси кўп бўлган шаҳарларда қурилган. Уэльсда 50 мингга яқин мусулмонлар истиқомат қилади.
Хуршид Маъруф тайёрлади
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
