Имконияти чекланганлар Қуръон мусобақасида истеъдодларини намойиш этмоқдалар
Миср пойтахти Қоҳирада ўтказилаётган 28 Халқаро Қуръон мусобақасининг иккинчи кунида имконияти чекланганлар ўртасида мусобақа бўлиб ўтди
Мазкур йўналишдаги иштирокчилар тадбирнинг иккинчи кунида ўзларининг юксак истеъдодини намойиш этдилар.
Қуръон мусобақасида мусҳафни ёдлаш билан чекланиб қолмай, иштирокчиларнинг оҳанг ва ритмига шунингдек, саҳифалар ва мисралар сонини айтиб бериш шартларини яхши ўзлаштирганига ҳам эътибор берилди.
28 Халқаро Қуръон мусобақаси Қоҳирада шанба куни бошланган бўлиб, 15 декабрь чоршанба кунигача давом этади.
Машҳур ҳофизи Қуръон Муҳаммад Сидиқ Миншавий номи билан аталган бу йилги тадбирда турли мамлакатлардан етмишдан ортиқ Қуръон ҳофизлари иштирок этмоқда.
Ҳакамлар ҳайъати Миср ва бошқа қатор мамлакатлардан келган ўн икки нафар Қуръон мутахассисларидан иборат.
Қуръон мусобақасида ғолиб бўлганлар 1,1 миллион Миср фунт стерлинги миқдоридаги пул мукофотларига эга бўладилар.
Хуршид Маъруф тайёрлади
© islom.uz 2003-2024.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
