Хушхабар: Навоийда «Ҳилол-Нашр» нашриётининг расмий дўкони очилди
Бугун, 7 декабрь куни Навоийлик мухлислар учун ажойиб янгилик бўлди десак муболаға бўлмайди. Чунки ушбу ҳудудда китобсевар мухлислар учун «Ҳилол-Нашр» нашриётининг навбатдаги расмий дўкони очилди.
Маросимга Навоий вилоятининг бош имом-хатиби Тоҳиржон домла Рўзиев, шунингдек, Тошкентдан аҳли илм устозлар, жумладан «Шайх Муҳаммад Содиқ Муҳаммад Юсуф» жомеъ масжиди имом-ноиби, Қуръон ҳофизи Ҳасанхон Яҳё Абдулмажид ва ушбу ҳудуднинг китобга ошно азизлари, мухлислар ташриф буюришди. Анжуманни вилоятнинг бош имом-хатиби Тоҳиржон домла Рўзиев очиб берди.
Сўнгра имом ноиб, воиз Ҳасанхон Яҳё Абдулмажид сўзга чиқиб, «Ҳилол-Нашр» нашриёти ҳақида, у ерда иш жараёни жадал олиб борилаётгани ва бу янги филиал, яъни илм шуъба маскани мўмин мусулмонларга зиё чашмаларини кенг ёйишда хизмат қилаётганини таъкидлаб ўтди. Шунингдек, янги очилаётган дўкон билан пойтахтдаги савдо дўконларидаги нархлар тафовути бир хил эканлиги, китоблар қамрови ҳам нашриётнинг барча дўконларида тенг тақсимлангани маълум қилинди.
Барча китобсевар азизлармизни янги очилган китоб дўконига марҳабо!, деб қоламиз.
Манзил: Навоий вилояти, Навоий шаҳри, Жанубий 29 кўча.
Мўлжал: «Гулистон» бозори рўпараси, «Мастер Кебаб» ёнида
Телефон: +99890 234 43 42
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
