Ҳадис ихлосмандлари диққатига!
Қадрли диндошлар!
«Шайх Муҳаммад Содиқ Муҳаммад Юсуф» жомеъ масжидида яна ҳадис дарслари давом этади!
Масжид имом ноиби Ҳасанхон Яҳё Абдулмажид томонидан «Шамоили Муҳаммадия» асари тақдим этилиб, хатмонаси ҳам катта шукуҳ билан ўтганидан хабарингиз бор.
Хушхабар!
Пайғамбаримиз Муҳаммад соллаллоҳу алайҳи васалламнинг муборак ҳадисларини санад билан эшитишни соғинганлар учун Имом Нававийнинг «Арбаъин» дарслари бошланади.
2021 йил 26 ноябрь, жума куни «Шайх Муҳаммад Содиқ Муҳаммад Юсуф» жомеъ масжидида хуфтон намозидан кейин соат 18:50 да Имом Нававий, «Арбаъин» асари ва санад ҳақида гап борадиган муқаддима суҳбатига таклиф этамиз.
Асар санад орқали ўрганилади ва иншааллоҳ асар тугагач, хатмонада санад тақдим қилинади. Лекин бу сафар шартлар қуйидагича:
Қатнашувчилар 3 хил даражадаги ижозаларга эга бўлади:
1. Арабча ва ўзбекча матнларни ёдлаб берган киши имтиҳондан ўтказилади ва унга тўлиқ ижоза берилади.
2. Ўзбекча матнни ёдлаган киши, имтиҳон қилинади ва иккинчи даражали ижоза берилади.
3. Дарсларда қатнашганлик ҳақидаги гувоҳнома берилади (бунга онлайн кузатганлар ҳам киради). Шунингдек, дарслар тугагандан сўнг видеоларни тўлиқ кўриб чиққанлар учун ҳам (буларга иккинчи даражали гувоҳнома) гувоҳнома берилади.
Дарсда ўқиладиган ҳадиснинг арабча ва ўзбекча матни ёзилган pdf файл ҳафтанинг ҳар душанба куни @hazratim_uz каналида тақдим этиб борилади.
Дарс сўнгида иштирокчилар учун вазифалар берилади.
Дарслардан олинган фойдалар, фикр-мулоҳазалар, таклифларни қуйидаги манзилга юборишингиз мумкин: t.me/masjiddarslari_bot.
Ҳар бир ўтган дарс бўйича саволларни ҳам ҳафтанинг сешанба кунигача қуйидаги манзилга юборишингиз мумкин. (t.me/masjiddarslari_bot).
Савол юборишда қуйидаги шартларга риоя қилинг:
1. Савол ўтган дарс ҳақида бўлиши;
2. Савол аниқ ва қисқа бўлиши;
3. Савол юборувчининг исм-шарифи ва телефон рақами кўрсатилган бўлиши.
Берилган саволларга ҳар келгуси дарсда жавоб берилади.
«Арбаъин» дарслари islom.uz порталининг ижтимоий саҳифаларида онлайн тарзда эфирга узатилади.
Аллоҳ таоло хайрли ишларимизни бардавом қилсин!
© islom.uz 2003-2024.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
