Ислом ҳамкорлик ташкилотининг янги раҳбари ўз лавозимига киришди
Ислом ҳамкорлик ташкилоти бош котиби чоршанба куни ўз лавозимига киришди. Бу ҳақда Саудия Пресс агентлиги хабар берди.
Arabnews.com хабар беришича, ўтган йилнинг ноябрь ойида Нигер пойтахти Ниамей шаҳрида Ташқи ишлар вазирлари кенгашининг 47-сессияси бўлган ва Ислом ҳамкорлик ташкилотининг янги раҳбари этиб Хиссейн Брахим Таха сайланган.
Унинг ИҲТдаги ваколат муддати беш йил. Таха ўз мамлакатида ташқи ишлар, Африка интеграцияси ва халқаро ҳамкорлик вазири, Нигер президентининг дипломатик маслаҳатчиси, мухтор вазир ҳамда Франция, Испания, Португалия, Греция ва бошқа мамлакатлардаги Фавқулодда элчи каби қатор лавозимларда ишлаган дипломатдир.
У Саудия Арабистонидаги Чад элчихонасида катта маслаҳатчи ҳам бўлган. Француз, араб ва инглиз тилларини биладиган ИҲТнинг янги раҳбари Чад миллий ордени, Франциянинг Фахрий легиони миллий ордени ва фахрий элчи унвонлари билан тақдирланган.
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
