Россия ва Ислом олами учрашуви Жидда шаҳрида бўлиб ўтади
Саудия Арабистони расмийлари Жиддада Россия ва Ислом олами стратегик қарашлар гуруҳининг иккинчи йиғилишини ўтказишга ҳозирлик кўрмоқда.
Una-oic.org хабарига кўра, Макка амири Холид ал-Файсал якшанба куни Жиддада Саудия Арабистони ташқи ишлар вазири ўринбосари Фаҳд Абу ал-Наср билан учрашди. Учрашувда Россия ва Ислом олами стратегик қарашлар гуруҳи йиғилиши муҳокама қилинди.
Саудия Арабистони ташқи ишлар вазирлиги 24 ноябрь куни Жиддада «Мулоқот ва ҳамкорлик уфқлари» шиори остида бўлиб ўтадиган «Россия ва Ислом олами» стратегик қарашлар гуруҳи йиғилишини ўтказишга тайёрлиги маълум қилинди.
Учрашув Саудия Арабистони Қиролининг дин ва маданият издошлари ўртасидаги мулоқот ташаббуси доирасида ўтказилади. Жидда учрашувни иккинчи марта қабул қилади.
Россия ва Ислом олами бўйича стратегик англашув гуруҳи йиғилиши ташкилий қўмитаси бош котиби Султон бин Абдуллоҳ ас-Султон ва ушбу қўмита аъзолари Макка амири билан учрашди.
Ушбу стратегик қарашлар гуруҳи 2006 йилда Татаристоннинг биринчи президенти Минтимер Шаймиевнинг буйруғи билан Евгений Примаков академияси раҳбарлигида ташкил этилган. Гуруҳ 33 мусулмон давлатининг жамоат ва ҳукумат фаолларидан иборат бўлиб, унга ҳозирда Татаристон президенти Рустам Миннихонов бошчилик қилмоқда.
2014 йилда Владимир Путиннинг расмий буйруғи билан Россиядаги гуруҳ раҳбариятини Рустам Минихонов ўз қўлига олди. Евгений Примаков то вафот этгунича гуруҳнинг фахрий котиби бўлиб қолди.
Гуруҳ ташкил этилганидан буён Москва, Қозон, Истанбул, Жидда ва Қувайтда учрашувлар ўтказди ва уларни Россия президенти Владимир Путин кутиб олган.
© islom.uz 2003-2024.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
