Набий алайҳиссаломнинг ўзлари эшитган мавлид
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Имом Табароний раҳматуллоҳи алайҳи ҳасан санад билан ривоят қилган ҳадисда шундай дейилади:
«Саййидимиз Аббос ибн Абдулмуттолиб Набий алайҳиссаломнинг туғилишлари ҳақидаги қиссани назм шаклига келтириб Пайғамбаримиз Муҳаммад алайҳиссаломга ўқиб бердилар».
Ривоятда келадики:
«У, «Эй Аллоҳнинг Расули мен сизни юксакларга кўтариб мақтагим келаяпди. Рухсат берсангиз бирор сўз билан сизни мадҳ қилсам», деди».
Расулуллоҳ: «Айт! Қандай чиройли гапирасан-а, Аллоҳ сени гапиртирмай қўймасин», дедилар.
Шунда Аббос қиссани айтишни бошлади:
Ушбу ер пайдо бўлишидан олдин руҳингиз жаннатда пишиб етилган эди.
Баргдан тўсиқ тўқиб сақланган жойда руҳингиз соғ ва пок бўлган эди.
(Одам алайҳиссалом емаслиги керак бўлган дарахт мевасини еб қўйиб Роббига осий бўлганида, авратлари ўзларига очилиб қолиб, ўзларини жаннат барглари билан тўса бошлаганлар, бу ерда ўша жойга ишора қилинмоқда.)
Кейин мамлакатларга тушдингиз.
Сиз унда башр ҳам, чайналган гўшт ва алақа ҳам эмасдингиз.
Балки сиз Нуҳ кемасига минган, Насрни (Нуҳ алайҳиссалом давридаги бутнинг номи) жиловлаб аҳлини ғарқ қилган томчи сув эдингиз.
Олам товоқ бўлиб давом этишни бошлаганида сиз,
Улуғ зотлар сулбидан раҳмларга кўчириб ўтқазилдингиз.
Ҳатто сизнинг шарафли уйингиз,
Олийликда баланд тоғ чўққиларидан ҳам юқори.
Сиз туғилган чоғда еру замин ёришиб кетди,
Нурингиз ила уфуқда нур таралиб кетди.
Бизлар эса, ушбу таралган нур зиёсида,
Тўғри йўлни босиб ўтамиз.
Шунда Набий соллаллоҳу алайҳи васаллам уни дуо қилдилар. Аббос кексайиб улуғ ёшга етганларида ҳам бирорта тишлари тушмаган эди. (Чунки Набий алайҳиссалом унга: «Аллоҳ сени гапиртирмай қўймасин», «Тишингга кумуш қоплама қўймагин» деган маънода дуо қилган эдилар).
Мустафо алайҳиссалом ҳақида айтилган мавлидни Мустафо алайҳиссаломнинг ўзлари эшитди.
Биз ҳам ушбу зиё ва нурдамиз. Эй Аббос тўғри айтдинг. Биз сендан бир минг тўрт юз кейин бўлсак-да биз ҳам ўша зиё ва нурда тўғри йўлни босиб ўтамиз.
Биз «Ла илаҳа иллаллоҳ»ни Муҳаммад алайҳиссалом орқали танидик. Қуръонни Муҳаммад алайҳиссалом ёрдамида ўргандик. Барчага меҳрибон бўлган Раҳмонни Муҳаммад соллаллоҳу алайҳи васаллам орқалигина танидик.
Аллоҳ таоло бизга у кишининг умматларига бериладиган мукофотнинг олийсини берсин, барчаларимизни Расули ва у кишининг умматлари орасида жамласин.
Шайх Ҳабиб Умар ибн Хафиз.
Ғуломов Абдуллоҳ таржимаси
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
