Гўзал анъана: Покистон раҳбари Имронхон самолётдан оёқ кийимсиз тушди
Покистон Бош вазири Имронхон ва унинг ҳамроҳлигидаги делегация Пайғамбаримиз Муҳаммад соллаллоҳу алайҳи васалламнинг масжидларини зиёрат қилиш учун Мадинага ташриф буюрди. Меҳмонлар шаҳзода Муҳаммад ибн Абдул Азиз халқаро аэропортига етиб келгач, Мадина вилояти губернатори ўринбосари шаҳзода Сауд ибн Холид Ал-Файсал томонидан кутиб олинди.
Имронхон ва унинг рафиқаси Пайғамбаримиз Муҳаммад соллаллоҳу алайҳи васалламга ҳурмат белгиси сифатида Мадина аэропортида самолётдан поябзалсиз тушдилар.
Бундай ҳолат Покистон делегацияси учун гўзал анъанага айланган. Аввалроқ, 2021 йилнинг май ойида ҳам Имронхон Расулуллоҳ соллаллоҳу алайҳи васалламга ҳурмат бажо келтириш мақсадида ялангоёқ самолётдан тушган эди. Ушбу ҳолат ижтимоий тармоқларда кенг тарқалган ва бутун дунё мусулмонларининг эътиборини ўзига тортган.
© islom.uz 2003-2024.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
