Quran Majeed иловасидан хитойлик мусулмонлар энди фойдалана олмайди
Apple компанияси Хитойнинг талабига биноан App Store’дан Quran Majeed иловасини ўчириб ташлади. Бу ҳақда azon.uz сайти bbc.com манбасига таяниб, хабар берди. Эндиликда Хитой ҳудудида ушбу иловадан фойдаланиб бўлмайди.
Хитой расмийлари ўз талабини «ноқонуний диний матнларнинг жойлаштирилганлиги» билан изоҳлаган. Расмийлар Би-би-сининг ушбу ҳолат бўйича йўллаган сўровига жавоб қайтармаган. Apple компанияси эса баъзи ҳолатларда мамлакатлар ҳукуматларининг позициясини маъқулламаса-да, маҳаллий қонунларни ҳурмат қилишга мажбурлигини билдирган.
Хитойда бир миллионга яқин киши Quran Majeed иловасидан фойдаланиб келар эди, бутун дунёдаги фойдаланувчилар сони эса 35 миллиондан зиёд.
Хитой ҳукумати исломни дин сифатида расман тан олади. Quran Majeed иловасида айнан қандай «ноқонуний матн» борлиги ҳозирча номаълум.
Манба: azon.uz
© islom.uz 2003-2024.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
