Австралиядаги мусулмонлар коронавирусга қарши эмлашни кўриб чиқишга чақиришди
Австралиялик муслима аёл коронавирус ўз отасини тўшакка ётқизиб қўйгани ва беморни кислород аппаратларига қарам қилгани ҳақида гапириб берди.
Элла Зейннинг сўзларига кўра, отаси Зейн Тиба, Мелбурнлик ҳурматли ишбилармон мусулмонлардан бири. Йигирма кун бўлдики, бемор ЭКМО аппаратида кома ҳолатида ётибди.
Вирус билан касалланган бемор Зейн коронавирусга қарши эмланмаган, гарчи у эмлашга қарши бўлмаса ҳам, вазиятни кутиб туришга ва касаллик билан боғлиқ ҳолатлар қандай ривожланишини кўришга қарор қилган. Натижада у ўпкасининг жиддий шикастланиши билан реанимацияда ётибди.
Мусулмон табиб Аҳмад Али ватандошларига ўз саломатликлари ҳақида ўйлашлари учун Австралия касалхонасининг реанимация бўлимидан тўғридан-тўғри видео хабар ёзишга қарор қилди. Бу ҳақда IslamNews манбаси ABC телеканалига таяниб, хабар берди.
Шифокор видеомурожаатида реанимация бўлимида коронавирус билан касалланган ўн учта кома ҳолатида ётган беморни кўрсатди. Уларнинг ҳаммаси коронавирусга қарши эмланмаган. Ушбу 13 бемордан 12 нафари араб ёки турк миллатига мансуб. Доктор Алининг фикрича, ушбу ҳолат Австралиянинг иммигрантлар жамоасида эҳтиёт чораларига етарлича эътибор берилмаганлигини кўрсатади, дея таъкидлаган.
Унинг сўзларига кўра, агар сиз умуман Виктория штати статистикасига қарасангиз, коронавирус билан реанимацияда даволанган беморларнинг 90 фоизи эмланмаган.
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
