Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Ҳижратдан аввалги 13 йил, рабиъул аввал ойи (мил. 610 йил февраль) Расулуллоҳ соллаллоҳу алайҳи васаллам қамарий 40 ёш (шамсий 38 ёш-у тўққиз ойлик) бўлганларида рост тушлар кўришлари, Маккадаги бир тошнинг у зотга салом бериши каби пайғамбарлик аломатлари кўрина бошлади ва бу ҳолат олти ой давом этди.