1443 йил 3 зулҳижжа | 2022 йил 02 июль, шанба
Минтақа:
ЎЗ UZ RU EN
Шахсият

Энг оғир жанг

12:00 / 05 май 2039 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Менга ишонинг, жанглар ичида энг оғири қалб поклигини муҳофаза қилиб киришилган жангдир.

Бу ҳаёт қалбларни ўлдирмоқчи бўлади. Қанчалар зиён қилсангизда, қалбингизни йўқотманг. Қалбини йўқотганлар гарчи дунёни эгаси бўлишсада, мағлубдирлар.

Мўъмин киши бу дунёда худди жангдаги жангчига ўхшайди. Ўрнини ўзгартирсада томонини, фронтини ўзгартирмайди.

Баъзи жанглар жуда қаттиқ бўлади. Унга ҳар қандай аскар ҳам туриб бера олмайди. Модомики, ният жангда ғолиб бўлиш экан, баъзида ортга чекинишнинг зарари йўқ.

Агар бир ибодатда фаол бўлиб, сўнгра сустлашиб қолсангиз, ўзингизда чарчоқ ҳис қилсангиз нафсингизга бошқа майдонни кўрсатинг.

Агар Аллоҳга олиб борадиган йўллардан бирининг эшиги сиз учун ёпилса қўлингизни иягингизга тираб ҳайрон бўлиб қолманг. Дарров бошқа эшикни очиб ундан киринг.

Кечаси қоим бўла олмасангиз кундузи садақаларни кўпроқ беринг. Нафл рўзаларни тута олмаётган бўлсангиз нафсингизни Қуръон ёдлашга мажбур қилинг.

Бу нафсни ҳақ ила машғул қилмасангиз у сизни ботил билан машғул қилади. Қўшинга етиб олиш учун оғир жароҳатининг аламларига сабр қилаётган аскар каби бўлинг. Жароҳатга таслим бўлманг. Акс ҳолда ҳалокатингиз шундадир.

Баъзан банда қилган гуноҳлари сабаб тоатдан тўсилиб қолиши ҳам мумкин. Аммо буни шайтоннинг қўлидаги қамчи қилиб қўйманг. Акс ҳолда шайтон қачон тоатга юз бурсангиз ушбу қамчи билан савалайди.

Битта жангда мағлуб бўлиш барча жангда мағлуб бўлади дегани эмас. Осмондан битта патнинг тушиши қуш қулаб тушди дегани эмас. Дарахтнинг бир шохи синса бу дарахт қуриди дегани эмас.

Киши нафсига қарши матонатли бўлиши лозим.

Ўрнингизни тарк этманг!

                                                                                                                                                                             Абдулқодир Полвонов

Муаллиф
Абдулқодир Полвонов
Манба
islom.uz
Мавзуга оид мақолалар
Усмон розияллоҳу анҳудан ривоят қилинади .Хамрдан четда бўлинглар Чунки, у ифлосликларнинг онасидир. Сизлардан олдин ўтганлардан бир киши бор эди. Бир бузуқ аёл давоми...

2335 05:00 / 02.03.2017
Цемент сотувчи йигитнинг айтганлари...Тўғрисини айтсам, мен илгари ўғри бола эдим. Ўрганиб қолган эканман, ов илинжида бош тиқмаган тешигим қолмаган. Бировнинг давоми...

2190 17:00 / 06.02.2021
Ибн Умардан ривоят қилинади.Набий соллаллоҳу алайҳи васаллам.Одамларга аралашиб, уларнинг озорларига сабр қилиб юрадиган мўмин одамларга аралашмасдан, уларнинг давоми...

2221 05:00 / 03.03.2017
Жобир ибн Абдуллоҳдан ривоят қилинади.Набий соллаллоҳу алайҳи васаллам .Ҳар бир яхшилик садақадир,, ndash дедилар,. Шарҳ Яхшилик, у қандай бўлмасин ndash каттами, давоми...

2546 05:00 / 04.03.2017
Аудиолар

84562 11:58 / 10.10.2018
«Ҳилол» журнали
Китоблар

14075 14:35 / 11.08.2021
Топ рейтинг www.uz Openstat