Жиддада Ўзбекистоннинг янги бош консули иш бошлади
Ўзбекистоннинг Жиддадаги янги Бош консули Нодиржон Турғунов кеча Саудия Арабистони ташқи ишлар вазирлиги ваколатхонаси бош директори Мазен ал-Ҳамали билан учрашди, деб хабар бермоқда «Дунё» АА.
Суҳбат чоғида савдо-иқтисодий, маданий-гуманитар соҳалардаги ўзаро манфаатли Ўзбекистон - Саудия Арабистони муносабатларини кенгайтириш масалалари муҳокама қилинди.
Учрашув якунида Мазен Ал-Ҳамали Саудия Арабистони томони Ўзбекистон Бош консулхонасининг фаолиятига кўмак кўрсатишга тайёр эканини маълум қилди.
Эслатиб ўтамиз: Ўзбекистоннинг Жидда шаҳридаги янги бош консули Нодиржон Турғунов 46 ёшда. У Тошкент давлат шарқшунослик институтининг араб филологияси факультетини тамомлаган. 2019-2021 йилларда Ўзбекистоннинг Актау шаҳридаги (Қозоғистон) Бош консули лавозимида ишлаган.
Нодиржон Турғунов шу кунга қадар Ўзбекистоннинг Жиддадаги Бош консулхонасига раҳбарлик қилган Сирожиддин Шамсутдинов ўрнида иш бошлади.
Манба:Ўзбекистон мусулмонлари идораси матбуот хизмати
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
