“Қуръони карим ва ўзбек тилидаги маънолари таржимаси” китоби хайрия сифатида тарқатилмоқда
“Қуръони карим ва ўзбек тилидаги маънолари таржимаси” китоби хайрия сифатида тарқатилмоқда
Хабарингиз бор, марҳум муфтий Усмонхон Темирхон ўғли ҳазратлари томонидан нашр этилган “Тафсири Ирфон” китобининг мухтасар шаклда таълиф этилган – “Қуръони карим ва ўзбек тилидаги маънолари таржимаси” китоби чоп этилиб, хайрия тариқасида кенг тарқатилмоқда.
Айни кунларда ушбу Қуръони карим китобининг нусхалари мадрасалар устозлари, талабалари, имом-домлалар, диний соҳа ходимлари ва Қуръони карим ўқишга иштиёқи бор, лекин имконияти йўқ фуқароларга ҳам бепул тарқатиш ишлари давом этмоқда.
Шундай тадбирлардан бири Сурхондарё вилоятидаги Имом Термизий халқаро илмий-тадқиқот марказида “Сиз бизга кераксиз!” шиори остида эшитиш ва сўзлашишда нуқсони бор, ижтимоий ҳимояга муҳтож юртдошларимиз иштирокида ўтказилди.
Тадбир давомида марҳум муфтий Усмонхон Алимов ҳазратлари таржима қилган “Қуръони карим ва ўзбек тилидаги маънолар таржимаси” китоби имконияти чекланган ҳамюртларимизга ҳадя тариқасида улашилди. Бундан имконияти чекланган юртдошларимизнинг кўнгли тоғдек кўтарилди.
Шу кунларда ушбу Қуръони карим китоби хайрия сифатида улашиш ишлари давом эттирилмоқда.
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
