1445 йил 19 Рамазон | 2024 йил 29 март, жума
Минтақа:
ЎЗ UZ RU EN
Янгиликлар

Усмон Қуръони ҳақидаги фильм премьераси Тошкент кинофестивалида ўтказилади

16:00 / 20.09.2021 1868 pdf Ўқиш режими + -

Тошкент, Санкт-Петербург ва Уфа шаҳарларида мусулмонларнинг муқаддас китоби ҳақидаги ҳужжатли фильмни суратга олиш бошланади. Би-би-си телеканалининг Ўзбекистондаги хизмати ЭОАВМА билан ҳамкорликда халқаро тарихчи ва Қуръон мутахассислари кўмагида Усмон Қуръони ҳақида ҳужжатли фильм яратилади.

Batafsil.uz хабарига кўра, шу кунларда архив ҳужжатлари асосида 1923 йилда Усмон Қуръонининг Ўзбекистонга қайтариш тафсилотларини тиклаш ишлари олиб борилмоқда. Мусулмон дунёсидан ташқарида бўлган даврда муқаддас китобнинг саргузаштлари тарихи ҳали ҳам жумбоқларга тўладир. Фильм муаллифлари шу саволларга жавоб топишга ҳаракат қилишмоқда.

Қандай қилиб ноёб китоб 100 рублга сотилган? Санкт-Петербургда тайёрланган ва Шарқ мамлакатларига катта пулга сотиб юборилган элликта нусханинг тақдири нима бўлган? Усмон Қуръонининг ўша пайтдаги Ислом маркази бўлган Уфа муфтиятига тушиб қолишига қандай қарор сабаб бўлган? Китобнинг тарихида Лениннинг қандай ўрни бор? Айнан унинг қарори туфайли Усмон Қуръони Оренбург орқали махсус поезднинг махсус вагонида Тошкентга олиб келинган ва тарихий Ватанига топширилган экан.

Фильм муаллифлари шу ва бошқа кўплаб саволларга жавоб топишга ҳаракат қиладилар. Фильмда Россия генерали Абрамов XIX аср охирида рамзий мукофот эвазига муқаддас Қуръонни Хўжа Ахрор масжиди муллаларидан сотиб олганлиги ва Туркистон генерал-губернатори Константин фон Кауфманга етказгани, у эса ўз ўрнида китобни Россияга юборгани, шу орқали у Санкт-Петербург Император кутубхонаси қўлёзмалар бўлимига тушиб қолгани ҳақида баён қилинади. Китобнинг тарихий Ватанига етиб келиши, Тошкентдаги Хаст Имом диний мажмуасига топширилгани фильмда батафсил ёритилган.

Ёрқин бадиий образлар орқали архив ҳужжатлари ва тарихий воқеалар саҳналарининг фильмга киритилганлиги томошабинларга албатта манзур келади. Фильмда Усмон Қуроънининг 1989 йилда Ўрта Осиё ва Қозоғистон мусулмонлари идорасига топширилишга гувоҳ бўлганларнинг хотираларидан лавҳалар ҳам келтирилган.
2021 йилнинг 29 сентябрь – 3 октябрь кунлари пойтахтимизда бўлиб ўтадиган Тошкент кинофестивали доирасида фильм премьерасини ташкил қилиш режалаштирилган.

 

Манба:Ўзбекистон мусулмонлари идораси матбуот хизмати

Манба
Ўзбекистон мусулмонлари идораси
Мавзуга оид мақолалар
Жанубий Африканинг Кейптаун шаҳридаги БоКаап маҳалласида .Аувал, номли масжид бўлиб, мамлакатда ташкил этилган биринчи масжид сифатида тан олинган. Масжидда 200 давоми...

1142 17:51 / 12.09.2023
Истанбулда қад рослаган Чамлижаrdquo жоме масжиди бугун расман очилди ва биринчи азон айтилди, одамлар намоз ўқишга келдилар, деб ёзади Туркиянинг SABAH газетаси.Ушбу давоми...

2318 11:35 / 07.03.2019
Франция терма жамоаси аъзоси, Мадриднинг .Реал, клуби футболчиларидан бири, Карим Бензема Рамазон ойида кун бўйи рўза тутди, сўнгра Англиянинг .Челси, клубини давоми...

3907 12:20 / 08.04.2022
Кеда минтақасида қурилган .Аҳо, масжиди Грузиянинг жанубиғарбий қисмидаги автоном республикаси Ажара вилоятида қурилган. Ушбу масжид тарихий ёдгорликлардан давоми...

1358 16:00 / 17.01.2021
Аудиолар

118789 11:58 / 10.10.2018
«Ҳилол» журнали
Китоблар

40739 14:35 / 11.08.2021