Аллоҳ учун не қилдим?!
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Қалбим туғёнлари тинч қўймайди ҳеч,
Унга назар солиб, қўрқиб кетаман.
Мана кун ҳам тугаб, кириб қолди кеч
Аллоҳ учун не қилдим? Ўйлаб қоламан...
Ўйлаб ўйим етмас, йўқдир охири.
Дунёнинг ишлари тугамас сира,
Бўлолмасман ахир, дунё устуни
Аллоҳ учун не қилдим? Ўйлаб қоламан...
Уйқуга тўймасдан чошгоҳ тураман.
Намоз вақти кирса, кечга сураман.
Турли-туман баҳона туради тайёр,
Аллоҳ учун не қилдим? Ўйлаб қоламан...
Маъзур санаб нафсимни, гоҳ овунаман
Ахир маҳзуротни мубоҳ этмасму шариат?!
Асли бунга сабабдир иймон сустлиги
Аллоҳ учун не қилдим? Ўйлаб қоламан...
Шайтонга ошноман, нафсимга мағлуб
Дунё зийнатлари мен учун матлуб
Роббим, бой бердим-ку умрни сени унутуб
Аллоҳ учун не қилдим? Ўйлаб қоламан...
Бир кун қарши олсам малакул-мавтни
Бошимдан ўтказсам сўнгги онларни
Эй воҳ! Тайёрманми ўзи, сўнгги сафарга?
Аллоҳ учун не қилдим? Ўйлаб қоламан...
Сенга осий бўлдим, гуноҳга ботдим
Бироқ, раҳматингга қаттиқ инондим
Ёлворганни ёнида ҳамроҳ сен доим
Мен сен учун не қилдим ўйлаб қоламан...
Мухлиса Маҳмудова
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
