Рўйхатни беркитиш
Дарслар рўйхати
1445 йил 4 шаввол | 2024 йил 13 апрель, шанба
Минтақа:
ЎЗ UZ RU EN
Фиқҳ

Фиқҳ дарслари (149-дарс) Ҳайя ъалас-солаҳ» – Намозга келинглар, шошилинглар

17:00 / 12.08.2021 2451 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

عَنْعَوْنِ بْنِ أَبِي جُحَيْفَةَ، عَنْ أَبِيهِ قَالَرَأَيْتُ بِلَالًايُؤَذِّنُ وَيَدُورُ، وَيُتْبِعُ فَاهُ هَا هُنَا وَهَا هُنَا، وَإِصْبَعَاهُ فِي أُذُنَيْهِرَوَاهُ الْخَمْسَةُ

 

Абу Жуҳайфа розияллоҳу анҳудан ривоят қилинади:

«Билолнинг айланиб юриб азон айтаётганини кўрдим. У оғзини у ёққа-бу ёққа бурар, икки бармоғи қулоғида эди».

Бешовлари ривоят қилишган.

Оҳангга солиб, чўзиб юбормайди. 

Лекин овозни чиройли қилиш матлубдир.

Таржийъ қилмайди. 

«Таржийъ» сўзи луғатда «қайтариш» деган маънони англатади. Амалда эса азондаги «ашҳаду»дан бошланадиган жумлаларни аввал ўзи эшитадиган даражада ичида айтиб олиб, кейин баланд овоз билан айтишдир. 

Таржийъни моликий мазҳаби жорий қилган. Пайғамбар соллаллоҳу алайҳи васалламдан ворид бўлган азон ҳақидаги асл ривоятларда бу нарса йўқ бўлгани учун ҳанафий мазҳаби таржийъ қилмасликни алоҳида таъкидлаган.

«Ҳайя ъала»ларни айтаётганда юзини ўнгга ва чапга буради. Агар эшитилмай қоладиган бўлса, мезанада айланади.

عَنْعَوْنِ بْنِ أَبِي جُحَيْفَةَ، عَنْ أَبِيهِ قَالَرَأَيْتُ بِلَالًايُؤَذِّنُ وَيَدُورُ، وَيُتْبِعُ فَاهُ هَا هُنَا وَهَا هُنَا، وَإِصْبَعَاهُ فِي أُذُنَيْهِرَوَاهُ الْخَمْسَةُ

وَفِيرِوَايَةٍفَجَعَلْتُ أَتَتَبَّعُفَاهُ هَهُنَا وَهَهُنَا بِالْأَذَانِ، يَقُولُ يَمِينًا وَشِمَالًاحَيَّ عَلَىالصَّلَاةِ، حَيَّ عَلَى الْفَلَاحِ.

 

Абу Жуҳайфа розияллоҳу анҳудан ривоят қилинади:

«Билолнинг айланиб юриб азон айтаётганини кўрдим. У оғзини у ёққа-бу ёққа бурар, икки бармоғи қулоғида эди».

Бешовлари ривоят қилишган.

Бошқа бир ривоятда: 

«Азонда оғзини кузатдим. «Ҳайя ъалас солаҳ, ҳайя ъалал фалаҳ»га етганида ўнгга, чапга бурди», дейилган.

Иқома ҳам азонга ўхшайди. Лекин уни тезроқ айтади ва икки марта «қод қоматис солаҳ»ни қўшимча қилади.

Бомдоднинг азонида «фалаҳ»дан кейин «Ас-солату хойрум минан навм»ни қўшимча қилади. Иккисида ҳам гапирилмайди.

Имом Абу Довуд Абдуллоҳ ибн Зайд розияллоҳу анҳудан қилган ривоятдаги у киши тушида кўрган, Пайғамбаримиз соллаллоҳу алайҳи васаллам тасдиқлаган азон ҳозир ҳамма ёқда айтилаётган азондир:

«Аллоҳу акбар, Аллоҳу акбар,

Аллоҳу акбар, Аллоҳу акбар, 

Ашҳаду аллаа илааҳа иллаллоҳ,

Ашҳаду аллаа илааҳа иллаллоҳ, 

Ашҳаду анна Муҳаммадар-Расулуллоҳ, 

Ашҳаду анна Муҳаммадар-Расулуллоҳ, 

Ҳайя ъалас-солаҳ, Ҳайя ъалас-солаҳ, 

Ҳайя ъалал фалаҳ, Ҳайя ъалал фалаҳ, 

Аллоҳу акбар, Аллоҳу акбар, 

Лаа илааҳа иллаллоҳ».

Ушбу калималарнинг маънолари қуйидагича:

«Аллоҳу акбар» – Аллоҳ улуғдир. Аллоҳ ҳар бир нарсадан буюкдир. У Зот Ўзига нисбат берилган номуносиб нарсалардан улуғдир. 

«Ашҳаду аллаа илааҳа иллаллоҳ» – Аллоҳдан ўзга илоҳ йўқ, деб гувоҳлик бераман. 

«Ашҳаду анна Муҳаммадар-Расулуллоҳ» – Муҳаммад Аллоҳнинг Расули эканлигига гувоҳлик бераман.

«Ҳайя ъалас-солаҳ» – Намозга келинглар, шошилинглар.

«Ҳайя ъалал фалаҳ» – Нажотга келинглар, шошилинглар. 

Қолган калималарнинг маънолари, иншааллоҳ, ҳаммамизга маълум.

«Кифоя» китобининг биринчи жузи асосида тайёрланди

Муаллиф
Шайх Муҳаммад Содиқ Муҳаммад Юсуф
Манба
islom.uz
Мавзуга оид мақолалар
Намозхон таҳорати кетганини гумон қилсаю, масжиддан чиқса ёки масжид ташқарисидаги сафдан ўтиб кетса, кейин таҳорати кетмагани аён бўлса ҳам, намози бузилиши давоми...

2464 00:00 / 18.11.2022
. . Витр бир салом билан вожиб бўлган уч ракъатдир. Учинчи рукуъдан олдин икки қўлини кўтариб, такбир айтади, сўнг доимо шу ўриндагина .Қунут, давоми...

1914 19:00 / 26.01.2023
Бу баёндаги ҳар бир сўзнинг ортида кўпгина шаръий далил ва ҳужжатлар турибди. Биз шарҳ давомида уларни қўлдан келганича ўрганишга ҳаракат қиламиз.Шу билан бирга, давоми...

3372 19:00 / 21.04.2022
Эркак кишининг аврати киндиги остидан то икки тиззасининг остигачадир. Бу ҳукмнинг далили қуйидагилар . ,. Имом Дора Қутний Абу Айюб розияллоҳу давоми...

3134 19:23 / 14.10.2021