Татаристон динлараро экспедицияси Элбрус чўққисини забт этди
Татаристон Республикасидан келган бир гуруҳ мусулмон ва православ раҳбарлари Европанинг энг баланд нуқтаси бўлган Элбрус тоғ чўққисига чиқишди. Экспедиция таркибига 10 киши, Татаристон муфтийси Комил ҳазрат Самигуллин, муфтийнинг халқаро ишлар бўйича маслаҳатчиси, Нижнекамск вилояти имом-мухтасиби Солиҳ ҳазрат Иброҳимов, Татаристон Республикаси Жиу-житсу федерацияси президенти, Абу-Дабида бўлиб ўтган жаҳон чемпионати совриндори Айрат Калимарлинов, машҳур тадбиркор Айдар Булатов, кинорежиссёр Ренат Хабибуллин, Амбросе монастирининг Макаревский монастири иеромонлари ва бошқалар қатнашди.
Денгиз сатҳидан 5642 метр баландликдаги Элбрус тепалигини забт этиш 2021 йил 7 августдан 8 августга ўтар кечаси бўлиб ўтди. Ушбу кун «8 август Халқаро алпинистлар куни» ва 1443 йил келиши билан бир вақтга тўғри келди. Шундай қилиб биринчи марта Татаристон динлараро экспедицияси Элбрус чўққисини муваффақиятли амалга оширди.
Иштирокчиларнинг сўзларига кўра, Элбрусга чиқишда кўплаб қийинчиликларни енгишга тўғри келган. Аввалроқ сайёҳлар бир неча кун давомида чўққини забт этиш учун тайёргарлик кўришган. Юқорига кўтарилаётганда уларга гидлар ҳамроҳлик қилишган.
Конфессиялараро экспедиция иштирокчилари 5642 метрни босиб ўтиб, ўз қўлларида Россия Федерацияси ва Татаристон Республикаси байроқларини ушлаб олишган.
ДУМ РТ матбуот хизматининг хабар беришича, бу Татаристон муфтийси Камил ҳазрат Самигуллиннинг Элбрусга қилган биринчи экспедицияси эмас. У жорий йилнинг январ ойида ҳам 4460 метр баландликка кўтарилган.
Хуршид Маъруф тайёрлади
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
