Қурбон Ҳайитини нишонлаш бўйича маълумот берилди
Бугун Халқаро пресс-клубнинг «Янги қонун таҳлили: асосий ўзгариш ва қўшимчалар» мавзусида сессияси бўлиб ўтди. Унда «Виждон эркинлиги ва диний ташкилотлар тўғрисида»ги қонуннинг янги таҳрири муҳокама қилинди.
Спикер сифатида Олий Мажлис Сенати ва Қонунчилик палатаси, Адлия вазирлиги, Олий ва ўрта махсус таълим вазирлиги, Халқ таълими вазирлиги, ҳамда диний ташкилотлар вакиллар иштирок этишди.
Халқаро пресс-клуб раиси Шерзод Қудратхўжа Мусулмонлар идораси вакилига мурожаат қилиб, 20 июл куни ўтказилиши кутилаётган Қурбон Ҳайити байрамининг нишонланиши бўйича маълумот беришини сўради. Ўзбекистон Мусулмонлари идораси раисининг биринчи ўринбосари Ҳомиджон Ишматбеков мазкур саволга тўхталиб, юртимизда Қурбон Ҳайитининг ўтказилиш санаси ҳақида шундай деди:
«Ўзбекистон Мусулмонлари идораси Қурбон Ҳайитини 20 июл куни ўтказиш бўйича хулоса берди. Шунга кўра, юртимизда Ҳайит байрамини ўтказиш бўйича тайёргарлик ишлари амалга оширилмоқда» — деган Ҳ. Ишматбеков.
Эслатиб ўтамиз, Қурбон Ҳайитини нишонлаш бўйича якуний хулоса Президент қарорига кўра маълум қилинади.
© islom.uz 2003-2024.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
