Сийрат дарслари (138-дарс). Набий алайҳиссалом танага нақш солиш татуировкадан қайтарганлар
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
520. Абу Жуҳайфа розияллоҳу анҳудан ривоят қилинади:
«Набий соллаллоҳу алайҳи васаллам итнинг пулидан, қоннинг пулидан қайтарганлар, вашм қилиш ва вашм қилдиришдан, рибо ейишдан ва уни едиришдан қайтарганлар ва сураткашни лаънатлаганлар».
Бухорий ривоят қилган.
Изоҳ: «Вашм» деб танага игна ёки бошқа восита билан расм ёки сўзни ўйиб, хол қўйиш, нақш солиш (татуировка) тушунилади.
521. Ҳаким ибн Ҳизом розияллоҳу анҳудан ривоят қилинади:
«Набий соллаллоҳу алайҳи васалламдан: «Эй Аллоҳнинг Расули, бир киши келиб мендан ҳузуримда бўлмаган нарсани сотишимни сўрайди. Унга уни сотайми, сўнгра унга бозордан сотиб олиб бераман», дедим. «Ўз ҳузурингда бўлмаган нарсани сотма!» дедилар».
Абу Довуд, Термизий ва Насоий ривоят қилишган.
522. Абдуллоҳ ибн Амр розияллоҳу анҳумодан ривоят қилинади:
«Расулуллоҳ соллаллоҳу алайҳи васаллам: «Кишининг ўзи эга бўлмаган нарсани сотишига йўл йўқ», дедилар».
Абу Довуд, Термизий ва Насоий ривоят қилишган.
«Расулуллоҳ соллаллоҳу алайҳи васаллам» китобидан
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
