2021 йил Ҳаж учун 60 минг кишига квота очилгани эълон қилинди
Саудия Арабистони 2021 йил ҳаж учун 60 минг кишига квота очилганини эълон қилди. Бу ҳақда وكالة الأنباء السعودية га таяниб, vakillik.uz телеграм канали хабар беради.
Бироқ ушбу квота қайси давлатларга берилиши ҳали номаълум.
Саудия Арабистонига зиёратчиларни қабул қилиш шартларини эълон қилди. Шунга кўра, 72 соат олдин ўтказилган ПЗР тестининг натижаси мажбурий бўлади. Тест топширганларга 3 кунлик карантинда бўлиш талаб қилинади. Зиёратчилар сурункали касаллиги йўқлигини тасдиқлайдиган ҳужжатни тақдим этишади.
Шунингдек, улардан 6 ой ичида касал ёки касалхонага ётқизилмаганлигини исботлашлари сўралади. Расмий эмланганлик тўғрисидаги гувоҳнома талаб қилинади.
Коронавирусга қарши эмловга эга бўлганлар эса расмий ҳужжатни кўрсатишлари керак. Зиёратчилар вирусга қарши эмланган бўлиши ва 2-дозадан кейин камида 14 кун ўтган бўлиши шарт.
18 ёшдан 60 ёшгача бўлганлар ҳажга боришлари мумкин. Ижтимоий масофани сақлаб, шайтонга тош отиш амаллари 50 кишилик гуруҳларга бўлинган ҳолда амалга оширилади.
Замзам булоғи ёпиқ ва у ҳожиларга чекланган миқдорда берилади.
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
