1445 йил 11 зулқаъда | 2024 йил 19 май, якшанба
Минтақа:
ЎЗ UZ RU EN
Янгиликлар

«Яхшилик қил — 2021» танлов ғолибларини тақдирлаш маросими ўтказилди

17:30 / 24.05.2021 1479 pdf Ўқиш режими + -

Маълумки, Вақф хайрия жамоат фонди, халқимиз орасида ўзаро бирдамлик ва меҳр-оқибатни кенг тарғиб этиш ва шу йўлда хизмат қилаётганларни рағбатлантириш мақсадида «Яхшилик қил — 2021» ижодий ишлар танловини эълон қилган эди.

Бугун 24 май куни ушбу танлов ғолибларини тақдирлаш маросими ўтказилди. Маросимга Ўзбекистон мусулмонлари идораси раиси биринчи ўринбосари Ҳомиджон домла Ишматбеков, Ўзбекистон мусулмонлари идораси бўлими мудири Муҳаммад Айюб домла Ҳомидов, Ўзбекистон Республикаси Вазирлар Маҳкамаси ҳузуридаги Дин ишлари бўйича қўмитанинг исломий диний-маърифий ташкилотлар ва имом-хатиблар билан ишлаш бўлими бошлиғи Муҳиддин Ҳакимов ва танловда саралаш босқичидан ўтган иштирокчилар ташриф буюрдилар.

Танлов 3️ йўналишда ўтказилди.

Яхшиликни тарғиб этувчи:

«Энг яхши видеоролик» – 7 000 000 сўм;

«Энг яхши мақола» – 5 000 000 сўм;

«Энг яхши инфографика» – 3 000 000 сўм билан тақдирланди.

«Энг яхши инфографика» бўйича олий ўрин Дилафруз Қурбоновага насиб этди ҳамда ғолиба 3 000 000 сўм пул мукофоти ва диплом билан тақдирланди. Шу номинация бўйича Дилфуза Каримовага шайх Муҳаммад Содиқ Муҳаммад Юсуф ҳазратларининг «Тафсири Ҳилол» китоблари ва диплом, Абдусамад Салимжонов, Луқмонжон Лутфуллаевлар эсдалик совға ва махсус сертификат билан тақдирландилар.

«Энг яхши видеоролик» бўйича олий ўрин islom.uz порталининг медиа йўналиши ходими Ёрқин Халилга насиб этди. Ғолибга ҳомийлар томонидан 7 000 000 сўм пул мукофоти топширилди. Шунингдек, ушбу йўналишда Бахтиёр Муҳаммад ва Муҳаммад Умарлар шайх Муҳаммад Содиқ Муҳаммад Юсуф ҳазратларининг «Тафсири Ҳилол» китоблари ва диплом билан тақдирландилар.

«Энг яхши мақола» бўйича олий ўринни эса Ҳайитмурод Ережепов эгаллади. Ҳомийлар томонидан ғолибга 5 000 000 сўм пул мукофоти топширилди. Шунингдек, Нилуфар Саидакбарова, Мадина Абдуллаева, Дилмурод Мирзоларга шайх ҳазратларининг «Тафсири Ҳилол» китоблари ва дипломлар топширилди.

«Яхшилик қил — 2021» танлов ғолибларини тақдирлаш маросими жонли эфирда узатилди.

«Расулуллоҳ соллаллоҳу алайҳи васаллам: «Ҳар бир маъруф садақадир. Яхшиликка далолат қилувчи худди уни қилувчи кабидир», дедилар».

Азизлар, яхшилик йўлида ҳамкорлик қилайлик!

Хуршид Маъруф тайёрлади

Манба
islom.uz
Мавзуга оид мақолалар
Миср мусулмонлар идораси бу йилги Рамазонда ифторлик дастурхонлари таъқиқланади. Бу ҳақда egyptindependent.com манбаси хабар берди.Миср мусулмонлар идораси маълумотига давоми...

1272 20:00 / 02.03.2021
Бугун Халқаро прессклубнинг .Янги қонун таҳлили асосий ўзгариш ва қўшимчалар, мавзусида сессияси бўлиб ўтди. Унда .Виждон эркинлиги ва диний ташкилотлар давоми...

2143 14:00 / 13.07.2021
Россияда мусулмонларнинг кунданкунга ошиб бораётганини маълум қилган Россия Муфтийлар кенгаши раҳбари Равил Гайнутдинов Экспертлар 15 йилдан кейин Россия давоми...

1614 11:00 / 06.03.2019
Туркия Диний ишлари бошқармаси Қуръон тадқиқотлари ва қироати қўмитаси раҳбари Ҳофиз Усмон Шоҳиннинг маълум қилишича, шу кунларда Диний бошқарма томонидан давоми...

1697 08:30 / 09.01.2019
Видеолар
Аудиолар

121616 11:58 / 10.10.2018
«Ҳилол» журнали
Китоблар

43078 14:35 / 11.08.2021