1445 йил 22 зулқаъда | 2024 йил 30 май, пайшанба
Минтақа:
ЎЗ UZ RU EN
Мақолалар

Сув Аллоҳнинг раҳмати

17:00 / 13.06.2022 2460 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Сув Аллоҳ таолонинг улкан неъматларидан бири.

Аллоҳ таоло Қуръони Каримда шундай деб марҳамат қилган:

«Ўзингиз ичадиган сувни ўйлаб кўринг-а! Уни ёмғирли булутлардан сиз туширдингизми ёки туширувчи Бизми? Агар хоҳласак, уни шўр қилиб қўямиз. Шукр қилсангиз-чи!» (Воқеа сураси, 68-70-оятлар)

Агар Аллоҳ таоло кислород ва водород атомларини ёғдириб, ўзинглар сув қилиб олинглар деса, нима қила олардик?!

Қайси лаборатория у атомларни сувга айлантиришни эплай оларди?!

Бу ишга қанча маблағ сарф бўлиб кетарди?!

Аллоҳнинг бизга раҳмати туфайли ичадиган сувимиз ёмғир-қор кўринишида тайёр сув бўлиб ёғади.

Маълумки, ёмғир жуда катта тезликда ерга тушади. Аслида, бундай тезликда тушган нарса баландлик, эркин тушиш тезлиги ҳамда ернинг тортишиш кучи натижасида улкан кучга айланиб, бошимизни мажақлаб, ҳалокатимизга сабаб бўлиши керак эди. Лекин ундоқ бўлмай, катта тезликда тушаётган ёмғир томчилари юзимизга майин урилади. Бу ҳам Раҳмоннинг марҳамати, меҳрибонлигидир.

Ер юзида чучук сув захираси жуда ҳам оз. Дунёдаги барча сувларнинг 97.5 фоизини уммон ва денгизларнинг шўр сувлари ташкил этади. Фақатгина 2.5 фоизи чучук сувдир. Улар ер ости сувлари, қорлар, ёмғирлар, тоғ чўққиларидаги музлар, дарёлар, кўллар, кичик булоқлар ва ҳаводаги сув буғларидан иборатдир

Аллоҳ таоло барча тирик жонзотларни сувдан яратган. У Зот бу ҳақида шундай деб марҳамат қилган:

«...Ва сувдан ҳар бир тирик нарсани қилганимизни билмайдиларми? Иймон келтирмайдиларми?» (Анбиё сураси, 30-оят)

Ҳужайранинг асоси бўлган цитоплазманинг 80 фоизи, кўплаб организмлар 50-90 фоиз сувдан таркиб топгани маълум бўлди.

Сувдан яратилган барча жонзотлар, ўсимликлар яшаши учун сувга эҳтиёж сезишини барчамиз биламиз.

Демак, яратилишимиз ҳам сувдан, яшашимиз учун ҳам сувга эҳтиёжимиз бор. Ана шу тарзда сув Аллоҳ таолонинг улкан неъматларидан биридир.

Роббимиз барчамизни сувнинг қадрига етадиган, уни исроф қилмайдиган, шукрини ўрнига қўядиган бандаларидан қилсин!

Нозимжон Ҳошимжон тайёрлади

 

Муаллиф
Нозимжон Ҳошимжон
Манба
islom.uz
Мавзуга оид мақолалар
Ҳар бир жамиятнинг эътиқод масалалари, амалий ҳаёти ва руҳиймаънавий жиҳатлари бўлади. Буларсиз инсон ва у мансуб бўлган жамиятнинг ҳаёти бўлиши мумкин эмас. давоми...

9823 10:10 / 02.07.2019
Жаъфар ибн Сулаймондан ривоят қилинади .Ҳабиб Форсий шундай дейди .Бир куни хотиним нон ёпиш учун хамир қорди. Хамир тайёр бўлгач, тандирга олов ёққани кетди. Шу давоми...

2403 08:45 / 10.02.2019
Имом Аҳмад ўзининг .Зуҳд, номли китобида Муҳаммад ибн Сирийндан ривоят қилади.Абу Бакр Сиддиқ розияллоҳу анҳудан бошқа одамнинг еган таомини ўзини мажбурлаб давоми...

1977 15:30 / 29.06.2019
Абу Умома розияллоҳу анҳудан ривоят.Мен.Эй Аллоҳнинг Расули, менга Аллоҳ манфаат берадиган ишни амр қилинг,, дедим.У зот соллаллоҳу алайҳи васаллам.Рўзани лозим давоми...

1350 18:23 / 04.05.2020
Аудиолар

122160 11:58 / 10.10.2018
«Ҳилол» журнали
Китоблар

43510 14:35 / 11.08.2021