Саудия Aрабистони саёҳат қилиш учун чегараларини очади
Жорий йилнинг 17 майидан бошлаб Саудия Aрабистони ўз фуқароларини бошқа мамлакатларга саёҳат қилиши учун чекловларни бекор қилиб, ўз чегараларини очади. Бу ҳақда якшанба куни Саудия Aрабистони Ички ишлар вазирлиги Twitter саҳифасида маълум қилган.
“2021 йил 17 май куни маҳаллий вақт билан соат 01:00 дан фуқароларнинг саёҳат қилиш чекловлари олиб ташланади ва сув, ҳаво алоқалари очилади", дея таъкидлади Ички ишлар вазирлиги. Aгентликнинг аниқлик киритишича, чекловларнинг бекор қилиниши бир неча тоифаларга таълуқли: бир ойдан кўпроқ вақт олдин коронавирус билан касалланганлар, вакцина олганлар ва қиролликнинг 18 ёшгача бўлган, бошқа мамлакатда касалликни юқтиришда даволаниш харажатларини қоплайдиган суғурта полисига эга фуқаролар.
Маълумки, Саудия Aрабистонига хориждан келганлар 14 кунлик мажбурий карантинга олинади.
ТAСС хабарига кўра, айни дамда Саудия Aрабистонида кунига 1000 та касалликни юқтириш ҳолатлари қайд этилмоқда. Пандемия бошланганидан буён қиролликда касалланганлар сони 401,5 мингга етган. Коронавирус билан вафот этганлар сони 6,9 мингдан ортиқдир.
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
