1444 йил 21 муҳаррам | 2022 йил 18 август, пайшанба
Минтақа:
ЎЗ UZ RU EN
Тазкия

Амалларнинг тўғрилиги қалбларнинг тўғрилиги билан

05:00 / 06.03.2017 2198 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Техника ривожланиб, инсон ҳаёлига келтира олмаган даражаларга етган замонда ваъз ва иршод мақолалари кўплиги ва осон қўлга киритилишига қарамай, кўпчилигимиз руҳий, маънавий жиҳатдан орқага кетиб қолаяпмиз!

Ҳолимиз Аллоҳ рози бўладиган ва У Зотга маҳбуб ҳол эмас.

Маълумот алмашиш ва алоқа воситалари бунчалик ривожланган, ахборот уммони инсонни тўғри йўлга чақирувчи юзлаб рисолалар билан тўлиб-тошган бу кунлар аждодларимизнинг хаёлига ҳам келмаган, аммо уларнинг ҳоллари Аллоҳни рози қилган, улар У Зотни кўп зикр қилганлар, тақволари эса Расулуллоҳ соллаллоҳу алайҳи васаллам хурсанд бўладиган даражада юқори бўлган.

Бунинг сабаби нима?

Сабаби оддий – бизларнинг қалбимиз қотиб кетган. Қалбларимиз қаттиқ, меҳрсиз ва қоронғу! У зотларнинг қалби эса мусаффо, пок бўлган.

Хўш, уларга ўхшаб қалбларимизга ҳаёт бағишлаш, уни поклашни истасак, нима қилмоғимиз керак?

Бунинг учун аввало қалбларимизни, қалбдан чиқадиган сўзу амалларимизни сарҳисоб қилиб, ширк, риё, кибр, шаҳватларга қул бўлишдан поклайлик, мунофиқлик ва ҳасаду ёлғон, фисқу фасоддан тозалайлик. Ўрганган ва эшитган ҳар бир диний таълимотимизга амал қилайлик, шундан кейингина иккинчисини ўқиб, эшитиб, ўрганайлик. Акс ҳолда, билиб амал қилмасак, билганимиз ўзимизга қарши ҳужжат бўлиб, қалбимиз қотиши, руҳиятимиз жонсиз ҳолга келиб қолиши мумкин. Қачонки қалбларимиз ислоҳ бўлса, шундагина ҳолимиз ҳам тўғриланади.

Расулуллоҳ соллаллоҳу алайҳи васаллам шундай деганлар:

«Огоҳ бўлинглар! Танада бир парча гўшт бор. У соғлом бўлса, бутун тана соғлом бўлади. У бузилса, бутун тана бузилади. Огоҳ бўлинглар, ўша нарса қалбдир».

Хулоса шуки, инсоннинг ҳаёти тўғри, саодатли бўлиши учун унинг қалби соғлом бўлиши керак, қалб эса диннинг таълимотларига амал қилиш ила соғлом бўлади. Кўп маълумот билиб, амал қилмаган киши жонсиз саҳифага ўхшаб қолар экан...

 

Фозилжон Абдулқайюм тайёрлади

Муаллиф
islom.uz
Мавзуга оид мақолалар
Нақшбандия тариқатида ўн бир асосга эга бўлган дастур бўлиб, улардан саккизтасини Хожа Абдулхолиқ Ғиждувоний қуддиса сирруҳу ва учтасини Хожа Баҳоуддин Нақшбанд давоми...

2636 19:01 / 16.11.2018
Эй, ҳақиқий рисолат булоғи қолиб, сароб сари интилаётган одам.. Кўзингни оч, ғафлат уйқусидан уйғон... Етти қават самолар узра оламлар Хожаси томонидан индирилган давоми...

2859 05:00 / 28.02.2017
Ибн Аббос розияллоҳу анҳудан ривоят қилинади.Набий соллаллоҳу алайҳи васаллам мушкул тушганда .Улуғ ва Ҳалийм бўлган, улуғ Аршнинг Роббиси бўлган, осмонлару давоми...

25133 05:00 / 01.03.2017
Ҳирс ва тамагирликнинг давоси сабр, илм ва амалдан иборатдир. Унинг юзага келиши беш нарса ила бўлади 1. Маишатда тежамкор бўлиш ва сарфхаражатда мулойим давоми...

963 19:00 / 18 июнь
Аудиолар

86475 11:58 / 10.10.2018
«Ҳилол» журнали
Китоблар

15625 14:35 / 11.08.2021
Топ рейтинг www.uz Openstat