Рамазон ойида 10 ёшли бола хайрия ишлари билан шуғулланмоқда
Лондонлик 10 ёшли мусулмон Завйер Хан Рамазон ойида рўза тутиб ҳам ўзининг ноёб ошпазлик истеъдоди билан хайрия ишлари билан шуғулланмоқда. Islam.ru манбасининг хабар беришича Завйер мактаб ўқувчиси бўлишига қарамай Рамазон рўзани тўлиқ тутиб келмоқда ва шу билан бирга ҳар хил рецепт видеоларни суратга олади ҳамда муҳтожларга маблағ йиғиш мақсадида ошпазлик конкурсларида қатнашади.
«Бизнинг шаҳримизда имконияти чекланган ва қийналаётган одамлар кўп. Уларда пул ва озиқ-овқат йўқ, баъзиларнинг ҳатто уйи ҳам йўқ», - дейди Завйер Хан. — Шунинг учун мен қийинчиликга дуч келганларга ёрдам беришни жуда хоҳлайман.
10 ёшли мусулмон боланинг мақсади камбағалларга озиқ-овқат учун 5000 фунт йиғиш.
Завйернинг ота-онаси ўғлининг бу ишидан жуда қувонади. Унинг онаси Таҳримнинг сўзларига кўра, у ўз синфида рўза тутадиган ягона мусулмон, бунинг учун катта сабр-қаноат керак бўлади.
Видеоларида Завйер асл рецептлар бўйича қовун ва киноа, товуқ ва авакадо меваларидан тайёрланган салатлар, шунингдек, анъанавий Жанубий Осиё таомларини тайёрлайди.
Мунира Баҳодиржон қизитаржимаси
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
