Хушхабар: Рамазон ойида 1370 дан зиёд масжидда Қуръон хатмоналари ўқилади
Бу йилги Рамазон ойида юртимизнинг 1370 дан зиёд масжидларида таровеҳ намози ва хатми Қуръонлар ўқилади. Халқимиз жомелардаги таровеҳ намозларида ўқиладиган Қуръон тиловатига бутун вужуди билан соме бўлиб, улкан ажру савобга эга бўладилар ва руҳий-маънавий озуқа оладилар.
Муборак Рамазон ойида ўқиладиган таровеҳ намозлари ва Қуръон хатмларини лаззатини мўмин-мусулмон халқимиз ўзгача соғинч, интизорлик ва шавқ билан кутмоқда. Боиси, ўтган йили коронавирус пандемияси туфайли бу улуғ неъматдан баҳраманд бўлолмадилар.
2020 йил коронавирус пандемияси сабаб юртимиздаги масжидлар фаолияти тўхтаб, халқимиз кундалик беш вақт намоз, жума, ҳайит ва таровеҳ намозларини жамоат ила адо этолмаган эди. Алҳамдулиллаҳ, бу йил таровеҳдаги хатми Қуръон файзидан барчамиз баҳраманд бўламиз.
Ўзбекистон мусулмонлари идораси матбуот хизмати
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
